+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qaraǵandyda kenshiler men metallýrgter arasynda eki avtokólik oınatyldy

2021 jylǵy 23 qyrkúıek 01:58
Bólisińiz:
Qaraǵandyda kenshiler men metallýrgter arasynda eki avtokólik oınatyldy

QARAǴANDY. QazAqparat – Qaraǵandy oblysynda «ArselorMıttal Temirtaý» AQ vaktsınatsııalanǵan qyzmetkerleri arasynda utys oıynyn ótkizdi. Negizgi syılyq – eki Lada Vesta avtokóligi, dep habarlaıdy QazAqparat tilshisi.

Uqsas jańalyqtar
Vaktsınatsııanyń arqasynda ómir súrý uzaqtyǵy 60-tan 74 jasqa deıin uzardy - rektor Óskemende vaktsına alǵandar arasynda turmystyq tehnıka oınatylady Grýzııada koronavırýstyń besinshi tolqyny bastaldy

Utys oıyny onlaın rejımde kórsetildi. Jeńimpazdar kezdeısoq san generatorynyń kómegimen anyqtaldy.

Oıynnyń ashyqtyǵyn qamtamasyz etý úshin baqylaýshylar retinde kásipodaq ókilderi men qyzmetkerleri sondaı-aq jýrnalıster men blogerler tartyldy.

Konkýrstar bolat jáne kómir departamentteriniń qyzmetkerleri arasynda bólek ótkizildi.

Avtomobılderdi metallýrgııa zaýytynyń konvertorlyq tsehynyń dánekerleýshi-jóndeýshisi Nurhan Smaǵulov, T. Kúzembaev atyndaǵy shahtanyń jeldetý jáne qaýipsizdik tehnıkasy ýchaskesiniń jerasty elektr slesari Talǵat Shaýǵymbekov jeńip aldy.

«Kompanııada bir jyldan az ýaqyt jumys isteımin. Meniń sheberim konkýrsqa qatysýǵa ótinim berýge keńes berdi. Búgin áli uıyqtamadym, sebebi túngi aýysymnan keldim. Shamasy, meni kólik kútip turǵanyn sezgen bolarmyn! Tsehtaǵy áriptesim birinshi bolyp habarlasyp, jeńiske jetkenim týraly habarlady», – dep bólisti Nurhan Smaǵulov.

Uıymdastyrýshylardyń aqparaty boıynsha, kómir departamentiniń qyzmetkerlerinen 5 myńǵa jýyq ótinim kelip túsken.

Shahter Talǵat Shaýǵymbekov onlaın-translıatsııa kezinde jer astyndaǵy jumys narıadyn oryndap jatqan bolatyn.

Jer ústine oralǵanda ony tosynsyı kútip turdy. Jeńimpazdy shahtanyń basshylyǵy mashınanyń kiltterimen qarsy aldy.

Avtokólikterden basqa turmystyq tehnıkany satyp alýǵa 20 sertıfıkat oınatyldy. Árqaısysynyń nomınaly – 50 myń teńge.

Taǵy bir kóliktiń utys oıyny 14 qazanda ótedi. Oǵan temir keni departamentiniń jáne enshiles kásiporyndardyń qyzmetkerleri qatysady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT