+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Qaraǵandyda qazaq kúıleriniń kóne dástúri pash etildi

2019 jylǵy 12 jeltoqsan 10:33
Bólisińiz:
Qaraǵandyda qazaq kúıleriniń kóne dástúri pash etildi

QARAǴANDY. QazAqparat - Qaraǵandy qalasynda «Sarqylmas qazyna» atty shertpe kúı men jyr-termelerdiń oblystyq festıvali ótti, dep habarlaıdy QazAqparat óńir ákimdigine silteme jasap.

Uqsas jańalyqtar

Festıvalde Dostyq úıiniń shyǵarmashylyq ortalyqtarynyń tárbıelenýshileri respýblıkalyq jáne halyqaralyq baıqaýlardyń laýreattary – jas aqyndar óz sheberlikterin kórsetti. Eń jas qatysýshy - 11-synyp oqýshysy Abzal Maqash jeltoqsan aıynyń basynda Qanysh Sátbaevtyń 120 jyldyǵyna jáne Jastar jylyna arnalǵan halyqaralyq aıtystyń júldesin ıelengen bolatyn. Kórermender dombyra, qobyz jáne jetigen sııaqty túrli halyq aspaptarynyń áýenderine qanyqty. Aqtyq synda aqyndar «Qulmanbet aıtys» atty sýyryp salma dodasyn uıymdastyrdy. Festıvaldiń sharyqtaý shegi – kúı tartys biregeı kórinisi boldy. Bul úlken saltanattar men toılarda tanymal bolǵan ejelgi dástúr. Jarystyń máni – qarsylastyń oryndaǵan belgisiz áýenin kúıshi sol mánerde alyp ketip, jalǵastyra alýynda. Kúı sıýıtasyn dombyrashylar Qanat Baqraev, Qaırat Omarov, Temirlan Kýbat oryndady. «Halyqtyń dástúri – qasıetti, olardy urpaqtan-urpaqqa jetkizý óte mańyzdy. Bul festıval túrli jastaǵy, ártúrli mektep pen mánerdi oryndaýshylardyń basyn biriktirdi. Jastar ulttyq ónerdi jalǵastyrady jáne damytady. Meniń oıymsha, biz kórermenderge halyq mýzykasynyń sulýlyǵyn kórsete aldyq», - dep atap ótti Mońǵolııanyń eńbek sińirgen ártisi jáne Qazaqstan Mádenıet qaıratkeri Merýert Bashaı. «Bul festıvaldi Ulttyq mereke qarsańynda ótkizemiz. Biz Dostyq úıin beıbitshilik pen kelisim, azamattyq bastamalar ortalyǵy etýge tyrysýdamyz. «Rýhanı jańǵyrý» baǵdarlamasyn júzege asyrýǵa belsendi qatysamyz. Bıyl sýyryp salma aqyndar, dombyrashylar mektebi quryldy. Festıval osy jumystardyń jalǵasy boldy. «Dombyranyń úni - seniń júregińniń yrǵaǵy» dep beker aıtpaıdy. Bizdiń halqymyzdyń tarıhy ónerge toly, shyǵarmalar arqyly ata-babalarymyzdyń daýysyn estımiz», - dedi Qaraǵandy oblysy ákimi apparatynyń «Qoǵamdyq kelisim» KMM dırektory Erlan Qusaıyn.

Shara qatysýshylaryna alǵys hattar tabys etildi. «Arqa-aıtys mektebi» ortalyǵyna kúı men jyr-terme jınaqtary bar retro-plastınka syıǵa tartyldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT