+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qaraǵandyda ekologııa departamentiniń qyzmetkeri 3 jylǵa sottaldy

2021 jylǵy 27 qyrkúıek 14:53
Bólisińiz:
Qaraǵandyda ekologııa departamentiniń qyzmetkeri 3 jylǵa sottaldy

QARAǴANDY. QazAqparat – Qaraǵandyda Ekologııa departamentiniń qyzmetkerine qatysty sot úkimi shyqty. Sot ony alaıaqtyq áreketi boıynsha úsh jylǵa bas bostandyǵynan aıyrdy, dep habarlaıdy QazAqparat tilshisi.

Uqsas jańalyqtar
Atyraýda kúzet qyzmeti basqarmasy bastyǵynyń orynbasary 7 jylǵa sottaldy Qaraǵandyda turǵyndarǵa gaz búrkip, eldi dúrliktirgen buzaqy qamaýǵa alyndy SQO-da 26 memorgan satyp alý baǵasyn 300 mln teńgege negizsiz kóterip jibergen

Qaraǵandy qalasynyń Qazybek bı aýdandyq soty «Qaraǵandy oblysy boıynsha ekologııa departamenti» RMM bas mamanynyń alaıaqtyq áreketine qatysty úkim shyǵardy. Sotqa deıingi tergep-tekserý organdary Departament qyzmetkerine QK-niń 24-babynyń 3-bóligi-190-babynyń 3-bóligi-1, 2-tarmaqtary boıynsha alaıaqtyq jasaǵanyn anyqtady. ıAǵnı memlekettik fýnktsııalardy oryndaýǵa ýákilettik berilgen adam óziniń qyzmet babyn paıdalana otyryp adamdar tobynyń aldyn ala sóz baılasýy boıynsha iri mólsherde aldaý jolymen bótenniń múlkin urlady.

Ekologııa departamentiniń ókili kásiporynǵa tekserý júrgizip, onda qorshaǵan ortaǵa zııan keltirgen ekologııalyq zańnama talaptarynyń buzylǵanyn anyqtaǵan. Sodan keıin ekolog osy JShS-nyń tehnıkalyq dırektorymen birlesip, bul jaǵdaıdan qalaı paıda tabýǵa bolatynyn oılastyrǵan. Osylaısha, departament qyzmetkeri qorytyndyda seriktestiktiń ekologııaǵa keltirgen zalalynyń eń joǵary somasyn kórsetýge, al keıinnen 10 mln teńge mólsherinde syıaqy berse, zalal somasyn azaıtatynyn jetkizgen. Osyndaı ótinishpen tehnıkalyq dırektor kompanııanyń quryltaıshylaryna barady. Alaıda JShS basshylyǵy para berýden bas tartyp, quqyq qorǵaý organdaryna habar beredi. Nátıjesinde, ekologııa departamentiniń bas mamany jáne JShS tehnıkalyq dırektory aqsha alý barysynda, ıaǵnı qylmys ústinde ustaldy.

Sottalýshynyń kinási kýágerlerdiń aıǵaqtarymen, jasyryn tergeý áreketteriniń materıaldarymen, sondaı-aq moıyndaý aıǵaqtarymen dáleldendi.

Bul jaǵdaıda prokýror aıyptalýshyny 4 jylǵa bas bostandyǵynan aıyrýdy surady. Al qorǵaýshy tarap jumsaq úkim shyǵarýdy ótindi.

Aıta ketý kerek, Qylmystyq kodekske sáıkes, mundaı qylmys úshin 7 jylǵa deıin bas bostandyǵynan aıyrý jazasy qarastyrylǵan.

Jazany tańdaý kezinde sot aıyptalýshynyń kinásin moıyndaǵanyn jáne ózi jalǵyz kámeletke tolmaǵan bala tárbıelep otyrǵanyn eskerip, bul jaıttardy kináni jeńildetetin mán-jaı dep qarastyrdy. Alaıda kináni aýyrlatatyn mán-jaı da joq emes – ol qyzmetkerdiń qabyldanǵan antyn buzýy.

«Sot úkimimen K. úkimdi oryndaý merzimin 5 (bes) jylǵa deıin uzarta otyryp, biraq bala on tórt jasqa tolǵanǵa deıin 3 jylǵa bas bostandyǵynan aıyrylady. Sondaı-aq, sottalǵan adam ómir boıy memlekettik qyzmette jumys isteý quqyǵynan aıyryldy. J-ǵa qatysty (JShS tehnıkalyq dırektory) qaıtys bolýyna baılanysty is toqtatyldy», - dep habarlady Qaraǵandy qalasy Qazybek bı aýdandyq sotynyń baspasóz qyzmeti.

Sot úkimi zańdy kúshine engen joq.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT