+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Qaraǵandyda demeýshiler kómegimen kópbalaly bes otbasy baspanaly boldy

2020 jylǵy 1 maýsym 21:51
Bólisińiz:
Qaraǵandyda demeýshiler kómegimen kópbalaly bes otbasy baspanaly boldy

QARAǴANDY. QazAqparat – Mereke kúni Qaraǵandyda kópbalaly bes otbasy baspanaly boldy. Kópten kútken páterlerdiń kiltin tabys etýge demeýshiler járdemdesken, dep habarlaıdy QazAqparat tilshisi.

Balalardy qorǵaý kúnine oraı Qaraǵandyda kópbalaly bes otbasy baspanaly boldy. «Talbesik» qoǵamdyq birlestigi uıymdastyrýymen demeýshiler qarjylaı kómek kórsetti.

«Olar biz usynǵan 16 otbasynyń arasynan jeteýin tańdap aldy, bul otbasylar 4-10 bala tárbıelep otyr. Olardyń arasynda múmkindigi shekteýli bala asyrap otyrǵandar bar. Búgingi kúni baspanaly bolǵan januıalardyń beseýi tıisti qujatty resimdedi, al ekeýi páter izdep jatyr. Bizdiń demeýshilerimiz sonymen qatar on otbasynyń barlyq nesıesin tolyq tóleýge kómektesti. Sondaı-aq bir jyl aralyǵynda olar úsh páterdi jalǵa alý qunyn tólep bermek», - deıdi «Talbesik» kóp balaly analar qoǵamdyq birlestiginiń jetekshisi Lázzat Qojahmet.

Alty balanyń anasy Gúlzat Súleshova úsh jyldan astam ýaqyt boıy turǵyn úı kezeginde turǵan, búgingi tańda onyń armany oryndaldy.


«Men jesirmin, jalǵyz ózim alty balany tárbıelep otyrmyn. Úlken balam kolledjde oqıdy, al eń kishkentaıym 3 jasta. Buǵan deıin páter jaldap turdyq. Búgin, balalar merekesinde bizge osyndaı syılyq jasap otyr – biz úsh bólmeli páter aldyq. Kómekteskenderge rahmet aıtamyz», – dedi Gúlzat Súleshova.

«Men bes balanyń anasymyn, kúıeýim jalǵyz ózi jumys isteıdi. Biz páter jaldap turdyq, qıyn boldy. Biraq demeýshilerdiń arqasynda eki bólmeli páterge ıe boldyq. Endi turǵyn úı úshin tólengen aqshany balalarǵa jumsaı alamyz. Barlyq demeýshilerge alǵys bildiremin. Óz baspanasy bar osyndaı otbasylar kóp bolsyn!», - deıdi Altynaı Kenjebaeva.

Sonymen qatar, «Talbesik» uıymy «Qazaqstannyń turǵyn úı qurylys jınaq banki» AQ kómegimen búgin Qaraǵandydaǵy balalarǵa 140 tátti syılyq taratty.

Esterińizge sala keteıik, ótken jyldyń aqpan aıynda elordada órt saldarynan bes bala qaza bolǵan qaıǵyly oqıǵadan keıin Qazaqstannyń qalalary men aýyldarynda áıelder quqyqtaryn qorǵap, ortaq bir qozǵalys quryp, birige bastady. Qaraǵandyda «Talbesik» QB kópbalaly ana jáne jýrnalıst Lázzat Qojahmet basqardy. Atalmysh birlestik Qaraǵandy men oblystaǵy áıelderiniń basyn biriktirip otyr. Búgingi tańda Qaraǵandy, Qarqaraly, Temirtaý, Jezqazǵan jáne Sátbaev qalalaryndaǵy eki myńnan astam kóp balaly analary osy uıymnyń múshesi bolyp tabylady.

Bir jarym jyl aralyǵynda «Talbesik» qozǵalysy aýqymdy jumys atqarǵan. Uıym óz qyzmetiniń kelesi kezeńin kóp balaly analarǵa jańa mamandyqtar ıgerý, bıznes ashý, granttar alý jáne shaǵyn nesıeleý máseleleri boıynsha aqparattyq kómek kórsetýge baǵyttamaq.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT