+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qaraǵandyda balalarǵa qatysty azǵyndyq vıdeo týraly ІІM ókilderine sheteldik áriptesteri habarlaǵan

2021 jylǵy 2 tamyz 11:44
Bólisińiz:
Qaraǵandyda balalarǵa qatysty azǵyndyq vıdeo týraly ІІM ókilderine sheteldik áriptesteri habarlaǵan

NUR-SULTAN. QazAqparat – Krımınaldyq poltsııa qyzmetkerleri Qaraǵandy oblysynda 2007 jáne 2009 jyly týǵan aǵaly-qaryndasty balalardy azǵyndyq vıdeoǵa túsirip, ınternetke taratqan 54 jastaǵy adamdy ustady, dep habarlaıdy QazAqparat tilshisi.

Uqsas jańalyqtar
Qaraǵandy oblysynyń bas sanıtar dárigeriniń jańa qaýlysy jarııalandy Qaraǵandyda eski shına óńdeıtin kásiporyndaǵy órtti arnaıy poıyz sóndirip jatyr SQO polıtseıleri «Jolda qabyldaý» aktsııasynda 150-den astam suraqqa jaýap berdi

Іshki ister mınıstrliginiń baspasóz ókili Shuǵyla Turlybektiń aıtýynsha, bul týraly vedomstvo ókilderine sheteldik áriptesteri habarlaǵan.

«Іshki ister mınıstrligi krımınaldyq polıtsııa departamentiniń qyzmetkerleri Qaraǵandy oblysynyń tártip saqshylarymen birge Qaraǵandy qalasynyń 54 jastaǵy turǵynyn ustady. Ol jas balalarǵa qatysty azǵyndyq áreketter jasap, vıdeoǵa túsirip, ınternette taratqan. Mınıstrliktiń kıber-qylmyspen kúres ortalyǵynyń qyzmetkerleri sheteldik áriptesterinen TOR jabyq jelisine Qazaqstan aýmaǵynan belgisiz paıdalanýshynyń jas balalardyń qatysýymen azǵyndyq kórinisteri bar beınejazbalardy taratatyny týraly aqparat aldy», - dedi ol onlaın brıfıngide.

Ortalyqtyń jedel qyzmetkerleri sheteldik áriptesteriniń jón silteýi boıynsha beınejazbany egjeı-tegjeıli zerdelegen kórinedi.

«Onda belgisiz bireý balalarǵa azǵyndyq áreketter jasaıdy. Ashyq derekkózderdi zertteý kezinde polıtsııa qyzmetkerleri beınejazbaǵa qatysqan balalarǵa uqsas balalardyń fotosýretterin tapty. Ótkizilgen jedel is-sharalardyń nátıjesinde 2007 jáne 2009 jyly týǵan, kámeletke tolmaǵan aǵaly-qaryndasty balalar anyqtaldy. Olar byltyr analary qaıtys bolǵannan keıin balalar úıiniń birinde tárbıelenýde. Ákeleriniń qaıda ekeni belgisiz. Ózderiniń aıtýynsha, analarynyń kózi tirisinde tanys er adam kelip úı sharýasyna kómektesken. Analary úıde bolmaǵan kezde ol balalarǵa azǵyndyq áreketter jasap, smartfonǵa túsirip otyrǵan. Bul birneshe ret qaılanǵan. Biraq ol týraly anasy bilmegen», - deıdi Shuǵyla Turlybek.

Onyń aıtýynsha, ustalǵan kúdikti qaladaǵy kommýnaldyq kásiporyndardyń birinde jumys isteıdi.

«Ol jaýap alý kezinde óz isi moıyndady. Tintý kezinde odan beınejazbalar saqtalǵan uıaly telefon tárkilendi. 54 jastaǵy er adam qamaýǵa alynyp, ústinen qylmystyq is qozǵaldy», - dedi ІІM baspasóz ókili.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT