Qaraǵandyda alıment tóleýden jaltarǵan azamattyń avtokóligi tárkilendi

QARAǴANDY. QazAqparat – Qaraǵandyda Qazybek bı aýdanynyń prokýratýrasy jeke sot oryndaýshylar palatasymen jáne polıtsııa basqarmasymen birlesip, alıment tóleýden jaltaryp júrgen tulǵalarǵa qatysty reıdtik is-sharalar bastady, dep habarlaıdy QazAqparat tilshisi.

Uqsas jańalyqtar

Qarjy mınıstrligi alımentke salyq salynatyndyǵy týraly aqparatty joqqa shyǵardy

Jańa kólikterdi  qaı óńir turǵyndary kóp minedi Qaraǵandy oblysynyń ákimi jastardyń kásip ashýyna 2 myń óteýsiz grant bólmek Jas mamandarǵa qyzmettik baspana qajet – Qaraǵandy oblystyq máslıhatynyń depýtaty

Reıd óz balalaryn asyraýǵa aqsha berýge asyqpaıtyn azamattardyń zańsyz áreketteri úshin avtokólikterin izdeýge jáne ustaýǵa baǵyttalǵan.

«Búgingi kúni oblys ortalyǵyndaǵy sot oryndaýshylarynyń óndirisinde osy sanattaǵy 21 myńdaı is bar, olardyń 87% alımentti óz erkimen tóleýde. Qalǵandary boıynsha jınalǵan qaryz somasy 300 myńnan 5 mln. teńgege deıin jetip otyr», - dep málimdedi Qaraǵandy oblystyq prokýratýrasynyń baspasóz qyzmeti.

Reıd is-sharasy barysynda 2018 jyldan beri qaryzy 3 mln. teńgeden asqan boryshkerdiń «VOLKSWAGEN PASSAT» markaly avtokóligi alynyp, aıyp turaǵyna qoıyldy. Eger boryshker qaryzyn erikti túrde on kún ishinde tólemese múlik sattylady da, odan túsken kiris alımenttik boryshty óteýge jumsalady.

Bul sanattaǵy adamdarǵa qatysty reıdtik is-sharalar budan ári turaqty túrde ótkiziletin bolady.