Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.34 EUR 427.25
RUB 5.88 CNY 54.57
Jańalyqtar

Qaraǵandyda 3 myńǵa jýyq otbasy áleýmettik kómek alady

2019 jylǵy 3 shilde 01:50 873
Bólisińiz:
Qaraǵandyda 3 myńǵa jýyq otbasy áleýmettik kómek alady

QARAǴANDY. QazAqparat - Qaraǵandyda jyl basynan ataýly áleýmettik kómekke (AÁK) 3301 ótinish berilgen. Qazirgi ýaqytta tólemderdi 2832 otbasy alady, olardyń jalpy somasy 555 mıllıon teńgeden astam. Bul týraly QazAqparat ákimdik saıtyna silteme jasap habarlaıdy.

Bul jaıynda Qaraǵandy ákimdigindegi apparattyq jınalysta Qaraǵandy qalasynyń jumyspen qamtý jáne áleýmettik baǵdarlamalar bólimi basshysynyń m.a. Aıgúl Baǵjanova aıtqan bolatyn. 

«Ataýly áleýmettik kómek - bul tek aqshalaı tólemder ǵana emes, bul eń aldymen sharalar jıyntyǵy, olardyń ishinde eń bastysy eńbekke jaramdy otbasy múshelerin jumyspen qamtý jáne muqtaj azamattardy áleýmettik beıimdeý bolyp tabylatynyn», - aıtyp ketti.

Onyń aıtýynsha, qazirgi ýaqytta Qaraǵandy qalasynda áleýmettik tólemderdi alýshylardyń arasynda 333 adam - jumyssyzdar nemese ózin-ózi jumyspen qamtyǵandar. Jyl basynan olardyń ishinde 38 turaqty jumys taba aldy. Qysqa merzimdi oqytý kýrstaryn 81 adam oqyp jatyr. 

Taǵy 29 adam qala ákimdiginiń qoldaýymen úsh oqý ortalyǵynyń bazasynda ashylǵan frılanser mektebinde oqyp jatyr. Tilek bildirgender tiginshi, aspazshy-kondıter mamandyǵyn ala alady jáne kompıýterlik saýattylyq kýrsynan óte alady. 
Qaraǵandy qalasynyń ákimi Nurlan Aýbakırov halyqtyń áleýmettik osal toptaryna jatatyn turǵyndar úshin kásibı beıimdeý oqytý kýrstarynyń mańyzdylyǵyn aıtty. 
- Búgingi kúni adamdardy oqyta bastamas buryn qaladaǵy bos jumys oryndaryna kóńil aýdarýymyz kerek ekenin aıtty. Erteńgi kúni jumys isteı alatyndaı jáne mamandyǵy talap etiletindeı oqytýymyz kerek. Mysaly, salynyp jatqan zaýyt bar, onda naqty mamandyqtarǵa mamandar qajet bolady. Sondyqtan zaýyt ashylǵanǵa deıin qajetti adamdar sanyn oqytýymyz kerek. Adamdardyń ózi de, olardyń qaıda jumys isteıtinderi jaıynda, ondaǵy áleýmettik paket, eńbek aqy jaıly biletin bolady. Bul ózara baılanys dep atalady. Kásiporyndarmen memorandýmdar, sharttar jasaý qajet jáne osy úlgi boıynsha jumys isteý qajettigi jaıynda, - dedi Nurlan Aýbakırov. 

Qala ákimi tek memlekettik kásiporyndarymen ǵana emes, sonymen qatar jeke kásipkerliktermen de ózara baılanys úlgisi boıynsha jumys jasaý qajet ekenin basa aıtty. Onyń ishinde, kafe, meıramhana, oıyn-saýyq ortalyqtarynyń ıelerimen jáne qyzmet kórsetý ortalyqtarynyń ókilderimen. 

Sondaı-aq, ol AÁK alýshylarǵa qaıta oqytý mehanızmdaryn túsindirý kerek jáne jumys izdeýmen kómek berýimiz kerek ekenin aıtty.

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT