Valıýta baǵamdary:
    usd/kzt 476.18 eur/kzt 485.56

    rub/kzt 7.76 cny/kzt 70.34
Aýa raıy:
Nur-Sultan: 1 °S
Almaty: 15 °S

Qaraǵandyda 101 gektarǵa jaıylǵan orman órti aýyzdyqtaldy

2022 jylǵy 23 maýsym 14:58

QARAǴANDY. QazAqparat – Qaraǵandy oblysy Buqar jyraý aýdanyndaǵy 101 gektarǵa jaıylǵan orman órti aýyzdyqtaldy, dep habarlaıdy QazAqparat tilshisi.

QR Tótenshe jaǵdaılar mınıstrligi baspasóz qyzmetiniń málimetine súıensek, 21 maýsymda Buqar jyraý aýdanyndaǵy Belaǵash orman sharýashylyǵynda órt shyqqan. Tilsiz jaý 101,5 gektar aýmaqty sharpydy.

Órtti sóndirýge Qaraǵandy oblysynyń TJD, QR TJM 52859 áskerı bóliminiń qyzmetkerleri, ormanshylar jáne jergilikti atqarýshy organ ókilderi jumyldyryldy. Qyzyl jalyn 22 maýsymda saǵat 22:13-te óshirildi.

«Budan bólek, Qarqaraly aýdanynda eki jerden tutanǵan dala órtimen kúres jalǵasyp jatyr. 21 maýsymda Egindibulaq aýylynan soltústik-shyǵysqa qaraı 10 shaqyrym jerde órttiń aýmaǵy shamamen 400 gektardy quraıdy. Otty sóndirýge TJD qutqarýshylary jáne ormanshylar attandy», - delingen habarlamada.

22 maýsymda shyqqan ekinshi órt 500 gektardy sharpydy. Qyzyl jalyndy aýyzdyqtaýǵa 182 adam men 30 tehnıka jumyldyryldy.

«TJM tikushaqtarymen janyp jatqan ýchaskelerge sý shashý jumystary jalǵasýda. Tikushaqtar órt oshaqtaryna jalpy 42 ret sý tókti. Órtti sóndirý taýly-jartasty jerlermen, sý qoımalarynyń alysta bolýymen, aýyspaly baǵyttaǵy jeldiń qatty ekpinimen kúrdelenip otyr», - delingen aqparatta.


Avtor:

Talǵatjan Muhametbekuly

Novostı po teme
Uqsas jańalyqtar
Seriktester jańalyqtary