+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qaraǵandy túrmesinde sottalǵandar dombyra jasap, mádenıet úıine syılady

2020 jylǵy 2 shilde 22:35
Bólisińiz:
Qaraǵandy túrmesinde sottalǵandar dombyra jasap, mádenıet úıine syılady

QARAǴANDY. QazAqparat – Qaraǵandy qalasyndaǵy AK-18 mekemesinde jazasyn óteýshiler dombyra jasap, ulttyq aspapty jergilikti mádenıet úıine syıǵa tartty. Sondaı-aq sheberler Abaı dombyrasyn jasaýdy qolǵa almaq, dep habarlaıdy QazAqparat tilshisi.

Uqsas jańalyqtar
Abaı kúni qalaı atap ótiledi Tólebı aýdanynda Abaı alleıasy salynyp jatyr Petropavlda jazasyn óteýshi Abaıdyń bıiktigi 3 metrlik sýretin saldy

Elbasy Nursultan Nazarbaevtyń sheshimimen shilde aıynyń alǵashqy jeksenbisi Ulttyq dombyra kúni bolyp jarııalanǵany belgili. Sol sebepti, elimizde jyl saıyn atalyp ótiletin bul merekeniń ulttyq rýhanııatymyzǵa qosatyn úlesi zor. Bul kıeli aspaptyń qazaq halqynyń tarıhynda alatyn orny erekshe. Dombyra – qazaqtyń kıesi, jan–dúnıesi, rýhanı qazynasy.

AK - 18 mekemesinde halqymyzdyń osynaý kıeli ónerine qurmet kórsetý, ony jańǵyrtý isi jolǵa qoıylǵan. Onyń bir dáleli mekemede jazasyn óteýshiler úshin ashylǵan qolóner buıymdary tsehynda halqymyzdyń ardaq tutar mýzyka aspaby dombyranyńnaqyshyna keltirilip jasalýyn aıtýǵa bolady.

«Dombyranyń osy qalpynda dúnıege kelý tarıhy tereńde jatyr. Shyńǵyshannyń úlken uly Joshynyń qaıtys bolǵanyn qaharly qaǵanǵa sol kezeńdegi daryndy kúıshi, bı de bolǵan Ketbuǵa dombyranyń únimen estirtkeni tarıhtan aıan. Jalpy, kıeli dombyranyń san túri bar. Jasalý ádisteri de ártúrli. Biz dombyra jasaý isin jalǵastyra beretin bolamyz. Qazaq halqynyń uly aqyny Abaı Qunanbaevtyń 175 jyldyq mereıtoıy qarsańynda Abaı úlgisindegi dombyralar jasap shyǵarý oıymyzda bar. Buǵan mekeme ákimshiligi barlyq jaǵdaıdy jasap qoıǵan. Qural-jabdyqtar jetkilikti. Osy mańyzdy istiń basy-qasynda bolyp, qoldaý kórsetip otyrǵan mekeme ákimshiligine alǵysymyzdy aıtamyz», - deıdi mekemeniń tsehynda dombyra jasaý isiniń sheberi, jazasyn óteýshi.

Qazaqtyń aqıyq aqyny Muqaǵalı Maqataev: «Darıǵa, dombyramdy bershi maǵan, Janyma kelshi jarym, kelshi balam...» dep jyrǵa qosqanyndaı, dombyra «men qazaqpyn» degen ár azamattyń tórinen oryn alýy tıis, dep sanaıdy sheber. Jáne de bul buıymdaryn qazaq ónerin kópshilikke pash etip júrgen óner adamdaryna syılyq retinde tabys etýdi jón kórgen eken.

«Men bar ónerimdi salyp jasap shyǵarǵan qazaq halqynyń tarıhy, mádenıeti, ádebıeti bolyp tabylatyn osy bir kıeli mýzyka aspaby - dombyrany Qarabas kentiniń Mádenıet úıiniń ıgiligine paıdalanýy úshin shyn nıetimmen usynamyn», - dedi ol.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT