+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Qaraǵandy polıtseıleri pyshaq ustap júrgen eki jigitti ustady

2020 jylǵy 24 qańtar 21:33
Bólisińiz:
Qaraǵandy polıtseıleri pyshaq ustap júrgen eki jigitti ustady

QARAǴANDY. QazAqparat – Qaraǵandyda kópqabatty úılerdiń birinde turǵyndar beınebaqylaý kamerasy arqyly aýlany aralap júrgen eki kúdikti jigitti baıqaǵan. Olar qoldarynda pyshaq tárizdes zat ustap júrgendikten, turǵyndar polıtsııaǵa shaǵymdanǵan, dep habarlaıdy QazAqparat tilshisi.

Uqsas jańalyqtar
ShQO turǵyny maral atqan Almaty oblysynda 77 jastaǵy áje soqqyǵa jyǵylyp, aýrýhanada kóz jumdy Semeı turǵyny 5 mln teńgelik mototsıkldi urlap ketti

«Eger osy kezde olar úıdiń turǵyndaryna tap bolsa, sol pyshaqty suǵyp alar ma edi?», - dep Qaraǵandy qalasynyń tanymal blogerleriniń biri Instargramdaǵy paraqshasynda jazylýshynyń sózinen úzindi keltiredi.

Shahterler kóshesindegi úıdiń turǵyndary óz qaýipsizdigine qatty alańdaýly. Olardyń aıtýynsha, eki jas jigit uzaq ýaqyt boıy aýlada jáne kireberisterdi aralap júrgen. Birinshi qabatta ornatylǵan beınebaqylaý kamerasynan alynǵan sýretterden olardyń qoldarynda pyshaqqa uqsaıtyn zat bar ekeni kórinip tur.

Úı turǵyndary tarapynan shaqyrý kelgen bette, polıtsııa qyzmetkerleri eki jigittiń aty-jónin anyqtap, olardy ustaǵan.

«Bul adamdar zańǵa qaıshy áreket jasap jatqan kezin turǵyndar uıaly telefonǵa túsirip alǵan. Qaraǵandy qalasy ІІB JBO beınebaqylaý kameralarynyń kómegimen Ońtústik-Shyǵys PB qyzmetkerleri joǵaryda kórsetilgen tulǵalardy anyqtap, polıtsııa bólimine jetkizdi. Olar sol úıdiń kireberisinen velosıped urlaǵanyn moıyndady. Aıǵaqty zat tárkilendi. Bul derek SDTBT-da QK 188-babynyń 1-bóligi boıynsha tirkelgen», - dep habarlady Qaraǵandy oblysy PD baspasóz qyzmeti.

Qazirgi ýaqytta tergeý amaldary júrgizilýde.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT