+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qaraǵandy oblysynyń tórt aýdany astyq jınaýdy aıaqtady

2021 jylǵy 21 qyrkúıek 12:18
Bólisińiz:
Qaraǵandy oblysynyń tórt aýdany astyq jınaýdy aıaqtady

QARAǴANDY. QazAqparat – Qaraǵandy oblysynda Abaı, Jańaarqa, Ulytaý jáne Shet aýdandarynyń sharýa qojalyqtary astyq jınaýdy aıaqtady. Bıyl óńirdegi astyq jınaý alqaby 930 myń gektardan asty, dep habarlaıdy QazAqparat tilshisi.

Uqsas jańalyqtar
Qasym-Jomart Toqaev: Qazaqstandaǵy klımattyń ózgerýi búkil Ortalyq Azııaǵa áser etedi Prezıdent: 2030 jylǵa qaraı eldegi bıdaı shyǵymy 40 paıyz tómendeýi múmkin Jem-shóptiń qymbattaýynan sharýalar jappaı mal satyp jatyr – Májilis depýtaty

Oblysta dándi daqyldardy jınaýdy 25 qyrkúıekke, kartopty – 30 qyrkúıekke, kókónisterdi – 10 qazanǵa deıin aıaqtaý josparlanýda.

Óńir basshysy Jeńis Qasymbektiń tóraǵalyǵymen ótken apparattyq onlaın-keńeste kúzgi dala jumystarynyń barysy týraly Aýyl sharýashylyǵy basqarmasynyń basshysy Asqar Sanaýbarov jáne aýdan ákimderi baıandady.

«Aýyl sharýashylyǵy qurylymdarynda kartop jınaý alańy 11 208 gektardy qurady jáne 1 610 gektar jerden kókónis jınaldy. 20 qyrkúıektegi jaǵdaı boıynsha 888 myń gektar jerden astyq jınaldy jáne bastyryldy, nemese 95,2%. 9,3 ts/ga ortasha ónimdilik kezinde 829,5 myń tonna astyq bastyryldy. Josparlanǵan 109 myń tonna astyq tuqymynyń 99,6 myń tonnasy nemese 91,4% sebildi», – dep habarlady Asqar Sanaýbarov.

1 989 astyq jınaıtyn kombaın, 62 kartop jınaıtyn kombaın jáne 90 kartop qazýshy jumysqa tartyldy.

Asqar Sanaýbarovtyń aıtýynsha, jınalǵan astyqtyń sapasy jaqsy. Oblysta astyq qoımalary da jetkilikti.

Astyqtyń rezervtik qoryn qalyptastyrý boıynsha jumystar júrgizilýde. Qabyldaýǵa alty astyq óńdeý kásiporny daıyn.

Oblys ákimi Jeńis Qasymbek aýdan ákimderi men aýyl sharýashylyǵy bólimderiniń basshylaryna eginniń ýaqytyly jınalýyn baqylaýdy, áleýmettik nan men kartoptyń baǵasyn ustap turý úshin turaqtandyrý qoryn qalyptastyrýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT