+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qaraǵandy oblysynyń Shashýbaı kentinde áleýmettik máseleler qalaı sheshilip jatyr

2021 jylǵy 23 qyrkúıek 15:40
Bólisińiz:
Qaraǵandy oblysynyń Shashýbaı kentinde áleýmettik máseleler qalaı sheshilip jatyr

QARAǴANDY. QazAqparat – Qaraǵandy oblysynyń ákimi Jeńis Qasymbek Aqtoǵaı aýdanyna jumys sapary barysynda Shashýbaı kentiniń turǵyndarymen kezdesti.

Uqsas jańalyqtar
Bıylǵy 9 aıda Qazaqstanda ІJÓ-niń ósýi 3,4 paıyz boldy - UB 2022 jyly taýarlar eksporty 60,1 mıllıard dollar deńgeıinde boljanyp otyr - Erǵalıev Májilis Ulttyq qordan kepildendirilgen transfertke qatysty qujatty maquldady

Óńir basshysy úsh myń halqy bar shalǵaı eldi mekenniń problemalary qalaı sheshilip jatqanyn aıtty, dep habarlaıdy QazAqparat.

Bul oblys ákiminiń Shashýbaı kentine alǵashqy sapary emes. Ótken kezdesýde turǵyndar TKSh jáne abattandyrý boıynsha birqatar máselelerdi kóterdi, dárihananyń joqtyǵyna jáne medıtsınalyq qyzmetterdiń sapasyna shaǵymdandy. Sondaı-aq, olar bos turǵan kóp qabatty úılerdiń bolashaǵyna alańdaýshylyq bildirdi.

«Sizder kótergen keıbir máseleler sheshildi. Áleýmettik dárihana jáne kúndizgi statsıonar jumys isteıdi. Salaly mamandar Balqashtan kelip, qabyldaý júrgizedi. Otbasylyq dárigerlik ambýlatorııany jóndeýge konkýrs jarııalandy, nátıjesi belgidi bolǵannan keıin keıin jumystar bastalady. Tsıfrlyq rentgen-apparatty jáne fızıoterapııalyq jabdyqty jetkizýge sharttar jasaldy», – dedi oblys ákimi.

Shashýbaıda birneshe bes qabatty ǵımaratty qalpyna keltirý josparlanýda. Qazirdiń ózinde jobalyq-smetalyq qujattama daıyndalyp, qazan aıynda memlekettik saraptamanyń qorytyndysy kútilýde. Páterler kúrdeli jóndeýden keıin kezekte turǵandarǵa beriledi.

Jylýmen jabdyqtaýdy jaqsartý úshin jańa modýldik qazandyq salynady. Bul nysan qalpyna keltiriletin turǵyn úıdi jylýmen qamtamasyz etýge múmkindik beredi.

Energetıka jáne TKSh basqarmasynyń basshysy Ulantaı Úsenov habarlaǵandaı, aqpan-naýryz aılarynda jobal-smetalyq qujattama ázirlenýi tıis, sodan keıin qurylysqa konkýrs jarııalanady.

Kezdesýde sondaı-aq, kenttiń sý qubyry, jylý jáne káriz jelilerin Balqash qalasynyń kommýnaldyq kásiporyndarynyń balansyna berý týraly aıtyldy. Rásim jyldyń sońyna deıin aıaqtalýy tıis.

Turǵyndardyń ótinishi boıynsha Balqash – Shashýbaı avtobýs baǵytyn uzartý máselesi sheshildi. Jolaýshylarǵa qosymsha avtobýs bólýge ýáde berildi.

Jumys sapary barysynda Jeńis Qasymbek Shashýbaıdaǵy úılerdiń jóndelýimen tanysty. Jergilikti bıýdjet qarajaty esebinen eki kópqabatty úıdiń shatyry jańartylyp, qasbetteri, balkondary men jertólesi jóndeldi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT