+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qaraǵandy oblysynyń Shahtınsk qalasy karantınniń kúsheıtilgen rejımine kóshedi

2020 jylǵy 10 sáýir 23:04
Bólisińiz:
Qaraǵandy oblysynyń Shahtınsk qalasy karantınniń kúsheıtilgen rejımine kóshedi

QARAǴANDY. QazAqparat – Qaraǵandy oblysynyń Shahtınsk qalasynda 12 sáýir kúni saǵat 00.00-den bastap qalaǵa kirip-shyǵýǵa tyıym salynady. Qaraǵandy oblysy aýmaǵynda karantın rejıminiń qosymsha sharalary týraly Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Qanat Asqarov málim etti, dep habarlaıdy QazAqparat tilshisi.

«Aýrýdyń taralýyna jol bermeý jáne turǵyndardy qorǵaý maqsatynda qosymsha sharalar qajet boldy. Shahtınskide syrqattanýshylyq kórsetkishi 10 myń turǵynǵa shaqqanda bir jaǵdaıdan asty. Osyny eskere otyryp, qalanyń karantındik aımaǵynyń biryńǵaı perımetri belgilenetin bolady jáne jeke kóliktiń qozǵalysy tolyq toqtatylady», - dedi Qanat Asqarov.

Shahtınskide karantınniń kúsheıýi sáýirdiń 11-nen 12-ne qaraǵan túni kúshine enedi. Qalanyń perımetri boıynsha 5 blokpost ornatylady.

Oblystyń Bas sanıtarlyq dárigeriniń qaýlysyna engizilgen ózgeristerge sáıkes, aımaqta lombardtar men aıyrbastaý pýnktteriniń qyzmeti ýaqytsha toqtatylady.

Taksı qyzmetine qoıylatyn talaptar kúsheıtildi. Kólikterde mindetti túrde arnaıy tańba men taksı shashkasy bolýy tıis. Júrgizýshiler ár aýysymnyń basynda jáne ol aıaqtalǵannan keıin temperatýralyq baqylaýdan ótýi qajet. Derekter jeke jýrnalda tirkeledi. Taksıster maskalarmen, qolǵaptarmen jáne antıseptıkpen qamtamasyz etilýi kerek. Jolaýshylardy maskasyz tasymaldaýǵa tyıym salynady. Salonda júrgizýshiden dıagonali boıynsha otyratyn bir ǵana jolaýshy ruqsat etiledi. Kámeletke tolmaǵan balalarymen ata-analardyń bireýi birge júredi. Ár saǵat saıyn mashınany dezınfektsııalaý qajet.

Volonterlik qyzmetke ruqsat etilgen. Biraq barlyq eriktilerdiń arnaıy formasy men erekshelik belgileri bolýy tıis.

Sondaı-aq, bas memlekettik sanıtarlyq dárigerdiń 2020 jylǵy 6 sáýirdegi №10 «Qaraǵandy oblysynyń aýmaǵynda karantın engizý týraly» qaýlysyna engizilgen ózgeristerge sáıkes, kelesi mekemeler jumys isteıtin bolady:

- munaı bazalary, munaı qoımalary, sondaı-aq qoldanystaǵy mindettemelerdi oryndaý sheńberinde kásiporyndarǵa gaz jetkizý jónindegi kompanııalar;

- qarjy ınstıtýttary «QazAgro» Ulttyq basqarýshy holdıngi» AQ, «Damý» kásipkerlikti damytý qory» AQ Qaraǵandy fılıaly;

- aýyl sharýashylyq tehnıkasyn jáne olardyń qosalqy bólshekterin jetkizý qyzmeti;

- advokattyq qyzmetter – quqyq qorǵaý organdaryna nemese sotqa shaqyrǵan jaǵdaıda;

- veterınarlyq stantsııalar, klınıkalar.

Tótenshe jaǵdaı rejımin qamtamasyz etý jáne koronavırýstyq ınfektsııanyń taralýyna qarsy is-qımyl jónindegi óńirlik jedel shtabpen kelisim boıynsha áleýmettik obektilerdi salýǵa ruqsat etiledi.

Qaraǵandylyqtardan karantın talaptaryn saqtaýdy, asa qajet bolǵan jaǵdaıda ǵana úıden shyǵýdy suraıdy.

Polıtsııa aqparaty boıynsha, búgingi tańda tótenshe jaǵdaı rejımin buzǵany úshin 369 ákimshilik is qozǵalǵan. Sot aıyppul nemese ákimshilik qamaýǵa alý jazasyn taǵaıyndaıdy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT