+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Qaraǵandy oblysynyń depýtattary sessııany qashyqtan ótkizdi

2020 jylǵy 27 naýryz 09:06
Bólisińiz:
Qaraǵandy oblysynyń depýtattary sessııany qashyqtan ótkizdi

QARAǴANDY. QazAqparat - Qaraǵandy oblystyq máslıhatynyń kezekten tys 26-sessııasy onlaın rejıminde ótti. Jınalystyń dıstantsııalyq formatyna depýtattar eldegi tótenshe jaǵdaıǵa jáne buqaralyq is-sharalarǵa tyıym salýǵa baılanysty kóshti, dep habarlaıdy QazAqparat tilshisi.

Uqsas jańalyqtar
Qaraǵandylyqtar dáriniń qymbattylyǵyna WhatsApp arqyly shaǵymdana alady Balqashta jaryqtyń sónýinen naýqastyń kóz jumǵany ras pa - mınıstrlik jaýaby Qaraǵandyda Soltústik-Shyǵys aınalma joly resmı túrde ashyldy

Sessııa kún tártibinde oblystyq bıýdjetke ózgerister engizý máselesi qaraldy. Depýtattar bıýdjettiń shyǵys bóligin túzetýdi bekitti. Qazynadaǵy qarajat shuǵyl qajettilikterge baǵyttalmaq.

Infektsııalyq aýrýhanalar men bólimsheler úshin jeke qorǵanys quraldary men medıtsınalyq jabdyqtar satyp alynatyn bolady. Azyq-túlik qaýipsizdigin qamtamasyz etý úshin turaqtandyrý qoryn tolyqtyrýǵa qosymsha qarajat bólindi. Sondaı-aq Tótenshe jáne kútpegen jaǵdaılarǵa arnalǵan oblystyq bıýdjettiń rezervi ulǵaıtyldy.

Depýtattarmen baılanysqa shyqqan oblys ákimi Jeńis Qasymbek koronavırýstyń taralýyna jol bermeý jónindegi is-sharalar týraly aıtyp berdi.

Onyń atap ótýinshe, óńirde jaǵdaı baqylaýda. Atqarýshy organdar tirshilik áreketiniń barlyq salalarynyń turaqtylyǵyn qamtamasyz etý boıynsha kúndelikti monıtorıng júrgizedi. Turǵyndar táýliktiń kez kelgen ýaqytynda túrli máseleler boıynsha habarlasa alatyn shuǵyl jeliler jumys isteıdi. Barlyq qajetti sharalar jedel túrde qabyldanýda.

«Men «aldyńǵy qatarly maıdanda» turǵan medıtsına qyzmetkerlerine, polıtsııa jáne TJD qyzmetkerlerine, áskerı qyzmetshilerge úlken alǵys bildirgim keledi. Olar táýlik boıy óz mindetterin oryndap qana qoımaı, bizdiń árqaısymyz úshin, halyq úshin, el úshin barlyq múmkindikterin aıamaýda, qoldarynan kelgenderin jasaýda. Barlyǵymyz birigip densaýlyq, shydamdylyq, rýh pen senimdilikti joǵaltpaýyn tilep, jaqsy sózdermen qoldaıyq. Biz bul kúrdeli kezeńdi birlik pen yntymaqta ótkeremiz. Barlyqtaryńyzǵa densaýlyq tileımin!», - dep jazdy sessııadan keıin Qaraǵandy oblystyq máslıhatynyń depýtaty Aıman Túkbaeva Facebook-tegi paraqshasynda.

Aıta keteıik, osy ýaqytqa deıin Qaraǵandy oblysynda koronavırýs ınfektsııasyn juqtyrýdyń 4 oqıǵasy tirkeldi. Jalpy elimiz boıynsha 120 naýqas em qabyldaýda.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT