+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Qaraǵandy oblysynyń birneshe qalasy karantınge jabylady

2020 jylǵy 29 naýryz 14:22
Bólisińiz:
Qaraǵandy oblysynyń birneshe qalasy karantınge jabylady

QARAǴANDY. QazAqparat - Qaraǵandy, Abaı, Saran, Temirtaý, Shahtınsk qalalary 2020 jylǵy 30 naýryzdan bastap karantınge jabylady, dep habarlaıdy QazAqparat tilshisi.

«Qaraǵandy oblysynyń bas memlekettik sanıtarlyq dárigeriniń 2020 jylǵy 29 naýryzdaǵy «Qaraǵandy, Abaı, Saran, Temirtaý, Shahtınsk qalalarynyń aýmaǵynda karantın engizý týraly» Qaýlysyna sáıkes atalǵan qalalardyń aýmaǵynda 2020 jyldyń 30 naýryzynda saǵat 00.00 - den bastap kásipkerlik jáne (nemese) ózge de qyzmet pen halyqtyń ómir súrý jaǵdaıy erekshe jaǵdaıda karantın rejımi engiziledi», - dedi Qaraǵandy oblysynyń bas sanıtarlyq dárigeri Qanat Asqarov.

Atalǵan qala turǵyndary Qazaqstan Respýblıkasy Prezıdentiniń 2020 jylǵy 15 naýryzdaǵy № 285 Jarlyǵyna jáne Qazaqstan Respýblıkasynda tótenshe jaǵdaı rejımin qamtamasyz etý jónindegi memlekettik komıssııanyń 2020 jylǵy 17 naýryzdaǵy № 2 sheshimine sáıkes tótenshe jaǵdaı rejımin saqtaýlary qajet.

Qaýlyǵa sáıkes, azamattarǵa taýarlar men qyzmetterdiń sapasy men qaýipsizdigin baqylaý aýmaqtyq basqarmalarynyń ruqsatynsyz qalalardan tys jerlerge shyǵýdy shekteıdi. Sondaı-aq, jaıaý jáne kólikte qalalar boıynsha qozǵalysty barynsha shekteıdi; saýda jáne dárihana obektilerine barǵan kezde jáne qoǵamdyq kólikti paıdalanǵan kezde, sondaı-aq jumys oryndarynda bir-birinen keminde eki metr qashyqtyqty saqtaýǵa; respıratorlyq ınfektsııanyń alǵashqy belgileri (tumsyq, tunshyǵý, temperatýra) paıda bolǵan kezde 103 nómiri boıynsha jedel medıtsınalyq járdem shaqyrý arqyly medıtsınalyq uıymdarǵa barmaı, úıde medıtsınalyq kómek kórsetý úshin dereý júginýge; kámeletke tolmaǵandardyń eresek adamdardyń ertip júrýinsiz júrip-turýyna tyıym salady.; 65 jastan asqan adamdardyń kóshege shyǵýyna tyıym salady, jergilikti atqarýshy organdardyń kúshimen arnaıy kútim uıymdastyrady.

Qyzmet kórsetý salasyndaǵy kásipkerlik sýbektilerine keletin bolsaq, jiti respıratorlyq juqpalar (joǵary temperatýra, jótel, tumsyq jáne t. b.) bar kelýshilerdi obektilerge jibermeý jáne kúsheıtilgen dezınfektsııalyq rejımdi engizý týraly qaýly qabyldandy.:

- osy qaýlynyń barlyq tarmaqtaryn qatań saqtaý jáne onyń oryndalýyn qamtamasyz etý.

Barlyq menshik nysanyndaǵy uıymdardyń basshylaryna:

- jumys kúnin 2 saǵatqa qysqartý;

- jumys oryndaryn saqtaýdy qamtamasyz etý jáne aqy tólenetin demalys berý arqyly qyzmetkerlerdi qashyqtyqtan jumysqa aýystyrý týraly máseleni qarastyrý.

Bilim berý nysandary boıynsha-6 sáýirden bastap Qashyqtyqtan oqytýǵa aýystyrylady.

Osylaısha, 2020 jylǵy 30 naýryzda 00.00 saǵat Qazaqstan Respýblıkasynyń basqa óńirleriniń aýmaǵyna covid - 19 koronavırýstyq juqpasynyń taralýynyń jolyn kesý maqsatynda adamdardyń qalalardyń karantındik aımaǵyna/aýmaqtaryna kelýine-shyǵýyna tyıym salynady.


Bizdiń kanalymyzǵa jazylyńyz:

Basty sózder: Qaraǵandy oblysy, Karantın,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT