Qaraǵandy oblysynyń birqatar aýdan-qalalarynda jańa prokýrorlar taǵaıyndaldy

2022 jylǵy 1 qazan, 11:45
Qaraǵandy oblysynyń birqatar aýdan-qalalarynda jańa prokýrorlar taǵaıyndaldy

QARAǴANDY. QazAqparat – Qaraǵandy oblysynyń qalalary men aýdandarynda QR Bas prokýrorynyń buıryǵymen jańa prokýrorlar taǵaıyndaldy, dep habarlaıdy QazAqparat tilshisi.

Qaraǵandy oblysynyń prokýratýrasy habarlaǵandaı, kadrlyq ózgerister Saran qalasyna, Buqar jyraý jáne Nura aýdandaryna jáne Qaraǵandy oblysynyń mekemelerinde qylmystyq jazanyń oryndalýynyń zańdylyǵyn qadaǵalaý jónindegi mamandandyrylǵan prokýratýrada boldy.

Saran qalasynyń prokýrory bolyp ádilet keńesshisi Janqozy Oljabaıuly Naqyshev taǵaıyndaldy.

Ol eńbek jolyn 2001 jyly Jezqazǵan qalasy prokýrorynyń kómekshisi mindetin atqarýshy qyzmetinen bastaǵan.

Jezqazǵan qalasy prokýrorynyń aǵa kómekshisi, Balqash qalasy prokýrorynyń orynbasary, Temirtaý qalasy prokýrorynyń orynbasary, Sátbaev qalasynyń prokýrory bolyp jumys istedi.

2017 jyldan bastap Qaraǵandy oblysy Buqar jyraý aýdanynyń prokýrory qyzmetin atqardy. Prokýratýra organdaryndaǵy eńbek ótili 20 jyldan astam.

Buqar jyraý aýdanynyń prokýratýrasyn aǵa ádilet keńesshisi Narıman Bekuly Kervenov basqardy.

Ol eńbek jolyn 1996 jyly Qaraǵandy oblysy Qaraǵandy qalasynyń Oktıabr aýdany boıynsha Qazaqstan Respýblıkasy memlekettik tergeý komıteti bóliminiń tergeýshisi laýazymynan bastaǵan.

Abaı aýdany prokýrorynyń kómekshisi, Qaraǵandy qalasy prokýratýrasynyń tergeý, anyqtaý jáne jedel-izdestirý qyzmetiniń zańdylyǵyn qadaǵalaý bóliminiń bastyǵy, Qarajal qalasynyń prokýrory, oblys prokýratýrasynyń basqarma bastyǵy – apparat basshysy bolyp jumys istedi.

2018 jyldan bastap Qaraǵandy oblysy mekemelerinde qylmystyq jazalardyń oryndalý zańdylyǵyn qadaǵalaý jónindegi mamandandyrylǵan prokýror qyzmetin atqardy. Prokýratýra organdaryndaǵy eńbek ótili 25 jyldan astam.

Nura aýdanynyń prokýratýrasyn aǵa ádilet keńesshisi Marǵulan Klımuly Qalıaqparov basqardy.

Ol eńbek jolyn 1999 jyly Qaraǵandy oblysy ishki ister basqarmasynyń Buqar jyraý aýdanynyń anyqtaý bóliminiń anyqtaýshysy mindetin atqarýshy laýazymynan bastaǵan.

Buqar jyraý aýdany prokýrorynyń kómekshisi mindetin atqarýshy bolyp jumys istegen, 2006 jyldan bastap Qaraǵandy oblysy prokýratýrasynyń Memlekettik organdar qyzmetinde zańdylyqty qadaǵalaý basqarmasynyń prokýrory, sodan keıin Áleýmettik-ekonomıkalyq salada zańdylyqty qadaǵalaý basqarmasy bastyǵynyń orynbasary jáne bastyǵy laýazymdaryn atqardy.

2017 jyldan bastap Qaraǵandy oblysy Saran qalasynyń prokýrory qyzmetin atqardy. Prokýratýra organdaryndaǵy eńbek ótili 25 jyldan astam.

Qaraǵandy oblysy mekemelerinde qylmystyq jazalardyń oryndalý zańdylyǵyn qadaǵalaý jónindegi mamandandyrylǵan prokýratýrany ádilet keńesshisi Dáýlet Qaıyruly Sattybaev basqardy.

Dáýlet Qaıyruly eńbek jolyn 2007 jyly Pavlodar oblysy ishki ister departamentiniń qalalyq bóliminiń tergeýshisi laýazymynan bastaǵan.

Pavlodar oblysy prokýratýrasynyń túzeý mekemelerindegi zańdylyqty qadaǵalaý jónindegi mamandandyrylǵan prokýrorynyń kómekshisi mindetin atqarýshy, Pavlodar qalasy prokýrorynyń aǵa kómekshisi, Pavlodar qalasy prokýratýrasynyń Qylmystyq protsestiń sotqa deıingi satysynyń jáne jedel-izdestirý qyzmetiniń zańdylyǵyn qadaǵalaý bóliminiń bastyǵy, Qazaqstan Respýblıkasy Bas prokýratýrasynyń Qylmystyq qýdalaý qyzmetiniń Jedel-izdestirý qyzmetiniń zańdylyǵyn qadaǵalaý basqarmasynyń aǵa prokýrory bolyp jumys istedi.

2017 jyldan bastap Qaraǵandy oblysy Nura aýdanynyń prokýrory qyzmetin atqardy. Prokýratýra organdaryndaǵy eńbek ótili 15 jyldan astam.


Uqsas jańalyqtar
Seriktester jańalyqtary

Jańalyqtar