+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qaraǵandy oblysynyń ákimi óńirdiń qysqy maýsymǵa daıyndyǵyn tekserdi

2019 jylǵy 1 qazan 02:10
Bólisińiz:
Qaraǵandy oblysynyń ákimi óńirdiń qysqy maýsymǵa daıyndyǵyn tekserdi

QARAǴANDY. QazAqparat - Qaraǵandy oblysynyń ákimi Jeńis Qasymbek óńir ortalyǵynyń aldaǵy qysqa daıyndyǵyn tekserdi. Búgingi kúni aýrýhanalarda, mektepterde, balabaqshalar jylytý júıesine qosylǵan. Bıylǵy jyly jylý berý maýsymy ádettegiden erte, 28 qyrkúıekte bastaldy, dep habarlaıdy QazAqparat tilshisi.

Jumys sapary barysynda Jeńis Qasymbek qalanyń kommýnaldyq kásiporyndaryna bardy. Óńir basshysy olardyń aıazdy kúnderi jylý jáne sý berýge daıyndyǵyn, sondaı-aq qala kóshelerin qardan tazartýǵa ázirligin tekserdi.

Óńir basshysy JEO-1 men JEO-3-te boldy. Bıyl eki kásiporyndy jóndeýge 5 723,5 mln teńge jumsaldy. Onyń ishinde tórt mıllıony - negizgi jabdyqtardy kúrdeli jáne keńeıtilgen jóndeýge jumsaldy. Qalǵandary qosalqy jabdyqtar men ǵımarattardy aǵymdaǵy jóndeýden ótkizýge bólindi. Eki jylý stansasy da qalalyqtardyń úılerine jylý taratady.

Jeńis Qasymbek jylý jelilerindegi kúrdeli apattar qanshalyqty jıi bolyp turatynyn surady. «Qaraǵandy Energotsentr» kompanııasynyń bas dırektory Andreı Lıapýnov ótken qysta Ońtústik-Shyǵys aýdandarynyń birinde bir kúrdeli apat oryn alǵanyn aıtty. Osy ýaqyt ishinde apat joıyldy. Bıylǵy jyly jylý jelileri aýystyryldy, sondyqtan bul aýdanda jylý berý irkilisteri kútilmeıdi.

Oblys ákimi sondaı-aq «Qaraǵandy sý» kásipornynda boldy. Ol aýyz sýdyń sapasyn qadaǵalaıtyn mekemeniń jabdyqtalýyn, sý tazartý qurylystary men zerthanasyn aralap qaıtty.

Sonymen qatar, aımaq basshysy qalany qardan tazartý máselesi de qyzyqtyrdy. Jeńis Qasymbek Qazybek bı aýdanyndaǵy kóshelerdi tazalaýǵa jaýap beretin «Tazalyq ekspert» JShS jumysymen tanysty. Qysta kásiporyn qyzmetkerleri kólik júretin joldar men jaıaý júrginshiler joldaryn qardan tazartatyn bolady. Mekemeniń qaraýynda 173 birlik tehnıka bar, onyń 15-i osy jyly satyp alynǵan. Alaıda, qar qarqyndy jaýǵan kezeńderde qalany tazalaýǵa qosymsha, jalǵa alynǵan kólikter jumyldyrylady.

Kásiporynda jumysshylarǵa qajetti qural-saımandardyń qajetti mólsherin, barlyq qyzmetkerler úshin qysqy ýnıformanyń jıyntyǵyn, joldardy sebýge arnalǵan 15 myń tonna qum-tuz qospasyn satyp alyp, qys mezgiliiń alǵashqy aılaryna qajetti janar-jaǵarmaımen qamtamasyz etilgenin jetkizdi.

Óńir basshysy sondaı-aq Ýnıversıtet kóshesinen Prıkanalnaıa kóshesine deıingi qurylysshylar dańǵylyn qaıta jańartý barysyn tekserdi. Munda qıyrshyq-mastıkalyq asfalt betony tóseldi, qazir qorshaýlar, granıt jıekteri ornatylyp, trotýarlarǵa kespe tas tóselip jatyr.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Bagdat Hasenova
Bagdat Hasenova
954-059

MURAǴAT