+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qaraǵandy oblysynyń ákimi óńirdegi zańsyz qoqys úıindilerin 1 aı ishinde joıýdy tapsyrdy

2021 jylǵy 27 shilde 07:20
Bólisińiz:
Qaraǵandy oblysynyń ákimi óńirdegi zańsyz qoqys úıindilerin 1 aı ishinde joıýdy tapsyrdy

QARAǴANDY. QazAqparat – Qaraǵandy oblysynyń ákimi Jeńis Qasymbek qoqysty ýaqytynda jınaý týraly eske salyp, barlyq ruqsat etilmegen úıindilerden arylýdy talap etti, dep habarlaıdy QazAqparat tilshisi.

Uqsas jańalyqtar
Almaty oblysynda 45 mln teńgeniń sporttyq alańdary qujat júzinde ǵana jasalǵan Ekologııa mınıstrligi Kishi Taldykólge qatysty máselege túsinik berdi Petropavlda jaǵymsyz ıispen kúresý úshin bıotoǵanǵa 4 myń tonna baldyr salyndy

«Turǵyndar shaǵymdarynyń basym bóligi aýlalar men kóshelerdegi tazalyqqa, polıgondardyń jaǵdaıyna jáne qoqys shyǵarýǵa baılanysty bolyp otyr. Bul máselelerdi turaqty baqylaýda ustaý qajet. Ótken jyly ruqsat etilmegen qoqys tastaıtyn jerlerdi joıý boıynsha úlken jumystar atqaryldy. Biraq olar qaıtadan paıda bolýda. Bul oryndar ǵaryshtyq baqylaý arqyly ońaı anyqtalady. Bizde barlyq sýretter bar. Qala jáne aýdan ákimderine ruqsat etilmegen qoqys tastaıtyn jerlerdi bir aı merzim ishinde joıýdy tapsyramyn», – dedi óńir basshysy onlaın rejımindegi apparattyq keńeste.

Jeńis Qasymbek sondaı-aq qala syrtyna jáne trassalar boıyna tastalatyn qurylys qoqystaryna nazar aýdardy. Oblys ákimi bul faktilerdiń jolyn kesýdi jáne tártip buzýshylardy jazalaýdy talap etti.

Ekologııa departamentiniń basshysy Qanat Musaparbekovtyń aqparaty boıynsha, 2020 jyly óńirde kosmomonıtorıng arqyly 1 275 zańsyz qoqys orny anyqtalǵan. Olardyń barlyǵy joıyldy. Bıyl qaldyqtardy ornalastyrýǵa ruqsat etilmegen 640 oryn ornatyldy. Olardyń basym bóligi oblys ortalyǵynda, Jezqazǵanda, Buqar Jyraý aýdanynda ornalasqan.

Búginde 113 qoqys orny joıyldy.

Sondaı-aq, óńirde QTQ polıgondaryn zańdastyrý jumystary bastaldy. Oblysta osyndaı 202 polıgon bar.

Jınalysta Senim 109 qyzmetiniń bazasynda zańsyz qoqys úıindileri boıynsha turǵyndardyń ótinishteri úshin jedel jeli ashý usynyldy.

Óńir basshysy tabıǵatty qorǵaý reıdteri men ekologııalyq senbilikterdi jalǵastyrýdy tapsyrdy.

«Biz halyqtyń oılaý qabiletin ózgertip, balalarǵa úlgi kórsetip, tabıǵatqa uqypty qaraý kerektigin úıretýimiz kerek. Adamdardyń ekologııalyq mádenıetin arttyrý, ol úshin qoǵam jáne ekobelsendilerdiń resýrstaryn paıdalaný qajet», – dep atap ótti Jeńis Qasymbek.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT