+7 (701) 759 90 19
USD 379.75 EUR 415.18
RUB 5.78 CNY 54.19
Jańalyqtar

Qaraǵandy oblysynyń ákimi kóktemgi sý tasqynyna daıyndyq jóninde tapsyrma berdi

2020 jylǵy 29 qańtar 20:12
Bólisińiz:
Qaraǵandy oblysynyń ákimi kóktemgi sý tasqynyna daıyndyq jóninde tapsyrma berdi

QARAǴANDY. QazAqparat - Qaraǵandy oblysyndaǵy qalyń qar kóktemde sý tasqyny qaýpin ulǵaıtýda. Sý tasqynynan aldyn ala saqtaný úshin daıyndyqty qazir bastaý týraly sheshim qabyldandy. Oblystyq tótenshe jaǵdaılardyń aldyn alý jáne joıý komıssııasynyń otyrysynda aımaq basshysy Jeńis Qasymbek ákimderge jáne barlyq jaýapty organdarǵa tapsyrma berdi, dep habarlaıda QazAqparat tilshisi.

Uqsas jańalyqtar
Danıal Ahmetov: Tasqynnyń aldyn alýdyń naqty jospary bekitildi SQO-da kóktemgi sý tasqynynyń qaýpi mol Aqmola oblysyndaǵy 125 eldi meken sý basý qaýipi bar aýmaqta ornalasqan

Qaraǵandy oblysynda sý tasqynynyń belsendi kezeńi naýryzdyń birinshi onkúndiginde bastalady.

«Oblysta «2017-2020 jyldarǵa arnalǵan sý tasqyny qaterleriniń aldyn alý jáne joıý jónindegi sharalar kesheni» jol kartasy jáne oblystyq ınjenerlik jumystar jospary iske asyrylýda. 2017-2019 jyldary jol kartasynyń 71 is-sharasynyń 69-y iske asyryldy, onyń 13-i qorǵanys bógetin salý boıynsha, 54-i sý ótkizý qubyryn ornatý boıynsha jáne 2-i Soqyr jáne Toqyraýyn ózenderiniń arnalaryn tazartý boıynsha. Nura jáne Sherýbaı-Nura ózenderiniń arnalaryn tazartý boıynsha is-sharalar tabıǵı resýrstar basqarmasy bıylǵy jyldyń jazǵy - kúzgi kezeńine josparlanǵan», - dep baıandady oblys TJD bastyǵy Ibragım Kúlshimbaev.

Onyń aıtýynsha, TJD men «Qazgıdromettiń» qyzmetkerleri Nura jáne Sherýbaı-Nura ózenderiniń joǵarǵy jaǵyna qar ólsheıtin baǵyttar boıynsha alǵashqy ret aınalyp ótip, baqylaý júrgizildi. Mamandar topyraqtyń qatý tereńdigin anyqtady.

Bıyl sý aıdyndarynda muz jarý úshin qarjylandyrý ulǵaıtyldy, dep habarlady vedomstvo basshysy.

«Qazgıdromet» óńirlik fılıaly basshylyǵynyń aqparaty boıynsha, ótken jyly 8 gıdrobeket qosyldy.

Oblysta barlyq 262 gıdroqurylystar tekserildi. Óńirde 4 nysan ıesiz qalǵan.

«Jol kartasy aıasynda úsh jyl ishinde jergilikti mańyzy bar avtomobıl joldarynda 13 kópir men 54 sý ótkizý qubyry jóndeldi, onyń ishinde 2019 jyly 4 kópir men 16 sý ótkizý qubyry qalypqa keltirildi. Endi 2 kópir men 6 sý ótkizý qubyrlary qaldy. Ótken jyldyń sońynda Buqar Jyraý jáne Osakarovka aýdandarynda 4 apatty kópirdi qaıta qalpyna keltirýge konkýrs jarııalandy», - dep habarlady Jolaýshylar kóligi jáne avtomobıl joldary basqarmasynyń basshysy Áskerbek Haltonov.

Oblys ákimi aldyn alý sharalaryn kúsheıtip, aldaǵy qańtar aıyndaǵy josparlarǵa túzetýler engizýdi tapsyrdy.

«Barlyq ákimder sý tasqynyna daıyndyq boıynsha naqty is-sharalar josparyn ázirlesin. Sizderge bir aptalyq merzim beremin. TJD qalalar men aýdandarda alynǵan aqparatty eskere otyryp, 2020 jyly halyqty tasqyn sýdan qorǵaý jónindegi oblystyq jospardy bekitýge engizsin. Merzimi 15 aqpanǵa deıin. Eki aptadan keıin taǵy da komıssııa ótkizip, qaýip-qaterler qaıda baryn egjeı-tegjeıli qarastyramyz», - dedi Jeńis Qasymbek.

Aımaq basshysy sondaı-aq qardy ýaqytyly shyǵarý, sý qoımalaryn daıyndaý jáne gıdroqurylystardyń jaǵdaıyn baqylaý jóninde tapsyrma berdi. Oblys ákimi bıylǵy jyly barlyq ıesiz ǵımarattar boıynsha máseleni sheshýdi talap etti.

«Sý tasqynynyń ótýi kóbinese aýa raıy jaǵdaıyna ǵana emes, sý obektileriniń daıyndyq dárejesine, memlekettik basqarý organdarynyń úılesimdi jumysyna, azamattyq qorǵaý júıesiniń kúshteri men quraldarynyń jáne materıaldyq quraldar rezervteriniń bolýyna, sondaı-aq halyqtyń daıyndyǵyna baılanysty bolady. Tasqynnyń belsendi kezeńi bastalǵanǵa deıin barlyǵyn taǵy bir márte pysyqtaý úshin keńeıtilgen quramda komıssııanyń taǵy bir otyrysyn ótkizemiz», - dep qorytyndylady Jeńis Qasymbek.

Sý tasqyny kezeńiniń qaýipsiz ótýin qamtamasyz etý erekshe baqylaýda bolady, dep atap ótti aımaq basshysy.


Bizdiń kanalymyzǵa jazylyńyz:

Basty sózder: Qaraǵandy oblysy, Ákim, Sý tasqyny,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT