Qaraǵandy oblysynyń agrarshylary arzandatylǵan dızel otynymen jáne tyńaıtqyshtarmen qamtyldy

QARAǴANDY. QazAqparat – 10 mamyrdan bastap Qaraǵandy oblysynda kóktemgi dala jumystary júrgizilýde. Agrarshylar tuqymmen, arzandatylǵan dızel otynymen, mıneraldy tyńaıtqyshtarmen jáne pestıtsıdtermen tolyq qamtamasyz etilgen, dep habarlaıdy QazAqparat tilshisi.

Qaraǵandy oblysynda aýa raıy kóktemgi dala jumystaryn ońtaıly merzimde bastaýǵa múmkindik berdi. Bul 2021 jylǵy deńgeıden 45 myń gektarǵa joǵary, jospardan dándi daqyldardyń 35%-dan astamy, kartoptyń 50%-dan astamy jáne kókónisterdiń 20%-y egildi.

«Bıyl mıneraldy tyńaıtqyshtardy paıdalaný alańynyń úles salmaǵyn 40%-ǵa deıin arttyramyz. Aýyl sharýashylyǵy taýaryn óndirýshilerge 20 myń tonna tyńaıtqysh tıeldi. Osy baǵytta sýbsıdııa tóleý bastaldy. Sondaı-aq pestıtsıdter boıynsha 2 mlrd teńgeden astam sýbsıdııa josparlanǵan.

Qolaıly aýa raıy jaǵdaıynda Qaraǵandy oblysynda kóktemgi egis jumystaryn 28 mamyrda aıaqtaý josparlanýda», – deıdi Aýyl sharýashylyǵy basqarmasynyń basshysy Asqar Sanaýbarov.