+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Qaraǵandy oblysynyń 5 qalasynda qandaı shekteýler qoıylady

2020 jylǵy 29 naýryz 19:02
Bólisińiz:
Qaraǵandy oblysynyń 5 qalasynda qandaı shekteýler qoıylady

QARAǴANDY. QazAqparat – Qaraǵandy oblysynyń karantınge jabylatyn 5 qalasynda birqatar shekteý qoıylady, dep habarlaıdy QazAqparat tilshisi.

Shekteý 30 naýryz 00.00 saǵattan bastap, ıaǵnı jeksenbi túnde engiziledi.

Osy kúnnen bastap atalǵan bes qalanyń turǵyndaryna otbasy múshelerin qospaǵanda, úsh adamnan astam toppen jınalýǵa tyıym salynady. Azyq-túlik, dári-dármek, bank qyzmetterin satyp alýdy jáne jumysqa barý qajettiligin qospaǵanda, azamattardyń úıden shyǵýyna shekteý qoıylady.

65 jastan asqan adamdarǵa dalaǵa shyǵýǵa bolmaıdy.

Kámeletke tolmaǵandarǵa eresektersiz úıden shyǵýǵa tyıym salynady.

Erekshe ókimge deıin barlyq qoǵamdyq oryndar jabylatyn bolady. Ol - saıabaqtar, gúlzarlar, balalardyń oıyn jáne sport alańdary. Bıznes-ortalyqtar 10.00-den 15.00-ge deıin jumys isteıdi.

Dámhanalar men meıramhanalar jetkizý rejıminde ǵana jumys isteı alady.

Barlyq azyq-túlik emes dúkender, jeke menshik jáne memlekettik balabaqshalar, sulýlyq salondary, qoǵamdyq monshalar, saýnalar, býkmekerlik keńseler jáne basqa da qyzmet kórsetý mekemeleri jumysyn toqtatady.

Karantındik qalalar arasyndaǵy kólik qatynasy ázirge toqtatylǵan joq. Qozǵalys 2020 jylǵy 2 sáýirde 00.00-den bastap shekteledi.

Sondaı-aq, avto jáne temirjol vokzaldarynyń, áýejaıdyń (arnaıy reıster shektelmeıdi) jumysy ýaqytsha toqtatylyp, qoǵamdyq kóliktiń jumysy shekteletinin jáne karantındik aımaqtyń tolyq qorshalýy qamtamasyz etiledi.

Eńbek kóshi-qony máseleleri jergilikti ákimdiktermen jáne jumys berýshilermen birlesip sheshiletin bolady.

Esterińizge sala keteıik, búǵan deıin Qaraǵandy oblysynyń birqatar qalasy karantınge jabylatyndyǵy týraly habarlaǵan bolatynbyz .


Bizdiń kanalymyzǵa jazylyńyz:

Basty sózder: Qaraǵandy oblysy, Koronavırýs,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT