+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Qaraǵandy oblysyndaǵy kóshelerge 4 myńnan astam kamera ornatylady

2020 jylǵy 19 aqpan 16:08
Bólisińiz:
Qaraǵandy oblysyndaǵy kóshelerge 4 myńnan astam kamera ornatylady

QARAǴANDY. QazAqparat - Qaraǵandy oblysyndaǵy keıbir qalalardyń kóshelerinde beınebaqylaý kameralary kóbeıtiledi. Qaraǵandy, Jezqazǵan, Balqash, Sátbaev, Saran jáne Osakarovka kentinde qosymsha tórt myńnan astam qurylǵy ornatylady, dep habarlaıdy QazAqparat tilshisi.

Óńirde memlekettik-jekeshelik seriktestik aıasynda «Qaýipsiz qala» jobasyn engizilip jatyr. Bul týraly oblys ákimi Jeńis Qasymbek halyqpen eseptik kezdesýinde aıtty.

«Qaýipsiz qala» jobasy ázirlendi. Ony komıssııa bekitti. Jeke ınvestor esebinen 4 290 beınebaqylaý kamerasy ornatylady. Basqa qalalardyń tájirıbesinen beınebaqylaý júıesi qylmysty izin sýytpaı ashýǵa ǵana emes, olardyń aldyn alýǵa da múmkindik beretinin kóremiz. Sondyqtan bul jumys jalǵasyn tabady», - dedi óńir basshysy.

Jeńis Qasymbek sonymen qatar kósheni jaryqtandyrý máselesine nazar aýdardy. Búgin oblys ortalyǵyndaǵy 600-den astam kóshege jaryq beretin sham ornatý qajet. Bul másele jergilikti óndirýshilerdi tarta otyryp, MJÁ qaǵıdaty boıynsha sheshiletin bolady. Bıylǵy jyly 136 kóshe jaryqtandyrylady, al aldaǵy eki jylda qalǵan kóshelerde jaryqtandyrý josparlanyp otyr.

Sondaı-aq oblys ákimi qaraǵandylyqtardy «Senim 109» servısin paıdalanýǵa shaqyrdy. Biryńǵaı úılestirý ortalyǵy ótken jyly iske qosyldy. Júıege Qaraǵandy qalasynyń 60-tan astam memlekettik jáne kommýnaldyq mekemesi qosylǵan. Qala turǵyndary bul nómirge TKSh jáne abattandyrý máseleleri boıynsha, sondaı-aq shuǵyl jaǵdaılarda habarlasa alady.

«Sizderdiń ótinishterińizdiń arqasynda biz jaýapty kásiporyndardyń kemshilikterin kórip qana qoımaı, sonymen qatar sizderdi birinshi kezekte qandaı máseleler mazalaıtynyna taldaý jasaı alamyz», - dedi Jeńis Qasymbek.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT