+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qaraǵandy oblysynda jylytý maýsymyna daıyndyq týraly baıandaldy

2021 jylǵy 19 shilde 19:46
Bólisińiz:
Qaraǵandy oblysynda jylytý maýsymyna daıyndyq týraly baıandaldy

QARAǴANDY. QazAqparat – Qaraǵandy oblysynda jylý berý maýsymy bastalǵanǵa deıin segiz energostantsııada 26 qazandyq pen 15 týrbınany jóndeý josparlanǵan. Qysqa daıyndyq turaqty baqylaýda, dep habarlaıdy QazAqparat tilshisi.

Uqsas jańalyqtar
Elordada áleýmettik osal topqa jatatyn turǵyndardyń úıine gaz tartý úshin ótemaqy berý qarastyrylýda Gazdandyrý qaladan shyǵatyn qaldyq kólemin 40 myń tonnaǵa deıin azaıtady – Elorda ákimdigi Baýyrjan Sálimgereev: Іri oıynshylarǵa dızel jetpese, ımport jaǵyn oılastyrý kerek

Jumys barysy týraly esepti óńir basshysy Jeńis Qasymbek onlaın rejımde ótken apparattyq keńeste tyńdady.

«Jylytý maýsymyna daıyndyq jumystary mamyr aıynda bastaldy. Segiz energııa kózderinde 26 qazandyq pen 15 týrbınany jóndeý kózdelgen. 72 qazandyq, 693 avtonomdy jylytý júıesi, sondaı-aq kommýnıkatsııalar daıyndalady. Qazirgi ýaqytta oblystyń barlyq stantsııalarynda negizgi jáne qosalqy jabdyqtarda josparly kúrdeli jóndeý júrgizilýde», – dep baıandady energetıka jáne TKSh basqarmasynyń basshysy Ulantaı Úsenov.

Onyń aıtýynsha, qys aılaryna qajetti kómir satyp alý bastaldy.

Problemalyq nysandarǵa erekshe nazar aýdarylady.

«ArselorMıttal Temirtaý» AQ JEO-2-de eki qazandyq pen eki týrbınany kúrdeli jóndeý, sondaı-aq jalpy somasy 2,5 mlrd teńgege bir qazandyqty aǵymdaǵy jóndeý josparlanǵan. Búgin bir qazandyq pen bir týrbınaǵa kúrdeli jóndeý júrgizilýde», – dedi Temirtaý ákimi Qaırat Begimov.

Onyń aıtýynsha, shilde-tamyz aılarynda jumystyń osy bóligin aıaqtaý josparlanǵan. Al qalǵan josparlanǵan jóndeý jumystary qazan aıynda aıaqtalýy tıis. Jetinshi qazandyqtyń qurylysy boıynsha jobany iske asyrý bastaldy.

Balqashta jylytý maýsymyna oraı Qońyrat shaǵyn aýdanyna deıin jańa jylý magıstrali iske qosylady. Qala ákimi Oraz Táýirbekovtyń málimetinshe, tamyz aıynda jelini syǵymdaý, al qyrkúıekke deıin nysandy paıdalanýǵa berý josparlanǵan.

Qazirgi ýaqytta Qaraǵandyda josparlanǵan 17 jylý júıesiniń 9,5 shaqyrymy jóndeldi. Sortırovka turǵyndaryn jylýmen qamtamasyz etýdi jaqsartý úshin qubyrlardyń jylý oqshaýlaǵyshy qalpyna keltirildi. Sonymen qatar, bıyl oblys ortalyǵynyń 30-shaǵyn aýdanyndaǵy jylý jelileri aýystyrylady. Bul sondaı-aq jylýmen jabdyqtaýdyń senimdiligin arttyrady.

Jeńis Qasymbek turǵyndar ýaqytynda qara otyndy jınap alýy úshin satý oryndarynda turmystyq kómirdiń bar-joǵyn monıtorıngileýdi tapsyrdy.

«Jylytý maýsymyna daıyndyq máseleleri turaqty baqylaýda. Merzimderdi buzýǵa jol berilmeıdi», – dep atap ótti oblys ákimi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT