+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Qaraǵandy oblysynda jyl sońyna deıin jeti emhana ashylady

2019 jylǵy 19 qarasha 13:51
Bólisińiz:
Qaraǵandy oblysynda jyl sońyna deıin jeti emhana ashylady

QARAǴANDY. QazAqparat – Bıylǵy jyldyń sońyna deıin Qaraǵandy oblysynda jeti emhana men eki ońaltý ortalyǵy ashylady. Bul týraly óńir ákimdiginde ótken apparat jınalysynda Densaýlyq saqtaý basqarmasynyń basshysy Erjan Nurlybaev málim etti, dep habarlaıdy QazAqparat tilshisi.

Uqsas jańalyqtar
Qazaqstanda medıtsınalyq qyzmetterdiń sapasy qalaı baqylanady MÁMS: Turǵyndar 2020 jylǵa deıin saqtandyrý júıesindegi statýsyn anyqtaýlary tıis Áleýmettik medıtsınalyq saqtandyrýdy engizý merzimi ózgertilmeıdi – Saparbaev

Bıyl óńirde 4 jańa emhana, onyń ishinde bir balalar emhanasy ashyldy. Olarda barlyǵy 70 myńnan astam adam tirkelgen.

Oblys ortalyǵy Qaraǵandyda jańadan eki ońaltý ortalyǵy ashylady. Biri - 40 tósek orynǵa shaqtalǵan eresekterge arnalǵan ortalyq qalanyń ońtústik-shyǵysynda ornalasqan. Ekinshisi - Maıqudyqtaǵy balalarǵa arnalǵan 50 oryndyq ońaltý ortalyǵy.

Erjan Nurlybaev sondaı-aq, oblysta mindetti áleýmettik medıtsınalyq saqtandyrý júıesin pılottyq rejimde engizý máselesi týraly aıtty.

«Ońaltý kómegine qol jetkizý 42% jaqsardy. MÁMS engizý jónindegi pılottyq joba bastalǵanǵa deıin aı saıyn ońaltý tósekterinde ortasha 690 patsıent emdeldi. Qazan aıynda bul kómek túri 981 naýqasqa kórsetildi», - dep atap ótti Erjan Nurlybaev.

Medıtsınalyq saqtandyrý arqasynda kóptegen adamdar KT jáne MRT sııaqty qymbat tekserýden óte aldy. Medıtsınalyq qyzmettiń bul túrleri sońǵy eki aıda 2,5 ese jıi kórsetile bastady.

Degenmen, pılottyq jobany engizý birqatar máselelerdiń de shetin shyǵardy. Olardyń qatarynda - medıtsınalyq saqtandyrý júıesinde azamattardyń mártebesin ózektendirý jáne jumys berýshiler tarapynan ýaqytyly tólemder jasaý sekildi problemalar bar.

Osy jyldyń 1 qyrkúıeginde joba bastalǵan kezde oblysta naqty mártebesiz 45 myńǵa jýyq adam bolǵan. Qazir olardyń sany 16 myńǵa deıin qysqardy. Onyń 8 680-de qujattary joq. Qala jáne aýdan ákimderi bul adamdarǵa qysqa merzimde jeke kýálikti daıyndaýǵa jáne JSN alýǵa, odan keıin MÁMS júıesinde tirkelýge kómektesedi.

«Bul máseleler birinshi jeltoqsanǵa deıin sheshilýi tıis. Tólem jasamaıtyn jumys berýshilermen áńgime júrgizýlerińizdi suraımyn. Bul 2500-ge jýyq túrli mekemeler. Eger tólemder turaqty bolmasa, onda bul memlekettik-jekeshelik áriptestik baǵdarlamasy boıynsha jumys isteıtin jekemenshik klınıkalardyń qyzmetkerlerine áserin tıgizedi. Olar halyqqa qyzmet kórsetedi, al medıtsınalyq saqtandyrý qory olarmen eseptese almaıdy», - dep atap ótti Qaraǵandy oblysynyń ákimi Jeńis Qasymbek.

Ol sondaı-aq jyl sońyna deıin MÁMS júıesinde azamattardyń mártebesin ózektendirý máselesin sheshýdi jáne aqparattyq-túsindirý jumystaryn jalǵastyrýdy tapsyrdy.

Esterińizge sala keteıik, Mindetti áleýmettik medıtsınalyq saqtandyrý baǵdarlamasy osy jyldyń 1 qyrkúıeginde Qaraǵandy oblysynda pılottyq rejimde iske asyryla bastaǵan bolatyn. Respýblıkanyń basqa óńirleri ony 2020 jyldyń 1 qańtarynan engizbek.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT