+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qaraǵandy oblysynda «Jyl muǵalimi» anyqtaldy

2019 jylǵy 9 jeltoqsan 14:31
Bólisińiz:
Qaraǵandy oblysynda «Jyl muǵalimi» anyqtaldy

QARAǴANDY. QazAqparat – Qaraǵandyda «Jyl muǵalimi» oblystyq baıqaýynyń jeńimpazdary marapattaldy, dep habarlaıdy QazAqparat.

Óńir ákiminiń resmı saıtyndaǵy aqparatqa sáıkes, baıqaýǵa qatysýǵa oblys boıynsha barlyǵy 34 pedagogtan ótinim túsken. Olardyń 12-si ǵana fınalǵa ótti.

«Jyl muǵalimi» baıqaýy úsh kezeńnen turdy. Birinshisi aýdandar men qalalar deńgeıinde ótti. Kelesi kezeń - «Murager» oblystyq mamandandyrylǵan mektep-ınternatynda, «Daryn» mektep-ınternatynda jáne № 93 gımnazııada sabaqtar men synyptan tys is-sharalardy ótkizý boldy. Qorytyndy kezeń kópshilik aldynda sóz sóıleý túrinde uıymdastyryldy jáne ol da birneshe týrdan turdy. Aldymen, qatysýshylar ózderin tanystyryp, «ashyq mıkrofon» baıqaýynda usynylǵan taqyryptar boıynsha oı bólisti, sodan keıin pedagogıkalyq jaǵdaıdy taldady.

Baıqaý jeńimpazdaryn marapattaý Qaraǵandy qalasyndaǵy Dostyq úıinde ótti.

Bas júldeni jáne «Jyl muǵalimi» ataǵyn Balqash qalasynyń №10 mektep-balabaqsha kesheniniń oqytýshysy Oljas Saýrıkov jeńip aldy. Birinshi oryndy № 97 gımnazııanyń tarıh páni muǵalimi Oleg Te aldy. Ekinshi oryndy oblystyq tirek-qımyl apparaty buzylǵan balalarǵa arnalǵan mektep-ınternattyń qazaq tili men ádebıeti pániniń ustazy Gúlnur Qalıeva ıelendi. Úshinshi oryn Saran qalasynyń №2 mektep-balabaqsha kesheniniń aǵylshyn tili muǵalimi Darıa Hohlovaǵa buıyrdy.

Barlyǵyna dıplomdar men aqshalaı syılyqtar tabys etildi.

Sondaı-aq «Úzdik sabaq» nomınatsııasy boıynsha №8 gımnazııanyń hımııa pániniń muǵalimi Gúlnár Bımendına jeńimpaz atandy.

«Úzdik synyptan tys shara» nomınatsııasynda Shet aýdanynan Erbol Qyzylov ozat boldy. Erbol Qazylov J. Aqylbaev atyndaǵy mektep-gımnazııasynda tarıh páninen sabaq beredi.

«Úzdik úı tapsyrmasy» atalymynyń marapaty Sátbaev qalasynyń pedagogy Merýert Ábishevaǵa berildi. Ol Abaı atyndaǵy №2 orta mektepte aǵylshyn tilin oqytady.

«Kórermender kózaıymy» nomınatsııasynda Buqar jyraý aýdany Úshtóbe orta mektebiniń bastaýysh synyp muǵalimi Botagóz Alına jeńimpaz atandy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT