+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Qaraǵandy oblysynda joldy qardan tazartpaǵan kompanııalarǵa aıyppul salynýy múmkin

2020 jylǵy 27 aqpan 11:32
Bólisińiz:
Qaraǵandy oblysynda joldy qardan tazartpaǵan kompanııalarǵa aıyppul salynýy múmkin

QARAǴANDY. QazAqparat – Qaraǵandy oblysy boıynsha polıtsııa departamentiniń qyzmetkerleri joldardy der kezinde qardan tazartpaǵan kompanııalardyń 12 ýákiletti tulǵalaryn ákimshilik jaýapkershilikke tartty, dep habarlaıdy QazAqparat tilshisi.

Bıylǵy qys qardyń mólsherden kóp jaýýmen, kúshti jelmen jáne borandardyń jıi bolýymen erekshelendi. Saldarynan Qaraǵandy oblysynyń avtojoldary jıi jabylyp otyrdy, onyń ishinde respýblıkalyq mańyzy bar «Ekaterınbýrg-Almaty» avtojolynda Temirtaý qalasynan Aqmola oblysynyń shekarasyna deıin kólik qozǵalysy jıi toqtatyldy.

Sonymen qatar, atalmysh jol ıesi «QazAvtoJol» UK AQ QOF, «QazAvtoJol» UK AQ «Aqyly jol dırektsııasy» jáne «Kazahavtodor» JShS QOF merdigerlik uıymy jol qozǵalysy qaýipsizdigin qamtamasyz etýdiń belgilengen erejelerin oryndaı almaıtynyn atap ótý qajet. Atap aıtqanda, joǵaryda atalǵan kompanııalar aýa raıy jaqsarǵannan keıin jol júrý bóligin qardan tolyq tazartýdy qamtamasyz etpegen, bul jerlerde áli kúnge deıin qar úıindileri jatyr.

«Bıylǵy jyldyń basynan bastap Qaraǵandy oblysy PD ákimshilik polıtsııa basqarmasynyń qyzmetkerleri Qaraǵandy qalasynan Aqmola oblysynyń shekarasyna deıingi avtojol ýchaskesinde 27 tekseris júrgizdi. Olardyń nátıjesi boıynsha jol ıesi «QazAvtoJol« UK AQ QOF, «Qazavtojol« UK AQ «Aqyly jol dırektsııasy« jáne «Kazahavtodor« JShS QOF merdigerlik uıymynyń atyna atalmysh avtojoldardaǵy kemshilikterdi joıý úshin 12 uıǵarym berildi. Bul rette joǵaryda atalǵan uıymnyń 12 ýákiletti tulǵasy ákimshilik jaýapkershilikke tartyldy», - dep habarlady Qaraǵandy oblysy PD baspasóz qyzmeti.

Ákimshilik polıtsııa kompanııaǵa atalǵan problemalar jaıly birneshe ret eskertý jasaǵan. Sonymen qatar tártip saqshylary olardyń atyna pármendi sharalar qabyldaý boıynsha usynystary bar 3 aqparat jibergen.

«Aǵymdaǵy jyldyń 25 aqpanynda oblystyń ÁPB qyzmetkerleri buryn engizilgen nusqamany tıisti dárejede oryndamaǵany úshin QR ÁQBtK - niń 462-babynyń 3-shi bóligi boıynsha «Kazahavtodor« JShS Qaraǵandy oblystyq fılıaly ákimshilik jaýapkershilikke tartyldy, onyń sanktsııasy 500 AEK kóleminde aıyppul qarastyrylǵan», - dep túsindirdi departamenttiń baspasóz qyzmetinde.

Qaraǵandy oblysy PD ákimshilik polıtsııa qyzmetkerleri oblystyń avtojoldaryndaǵy jaǵdaıǵa táýlik boıy monıtorıng júrgizedi, sondaı-aq jol-kommýnaldyq organdardyń jumysyn úılestiredi.

Úzdiksiz jáne qaýipsiz qozǵalysty qamtamasyz etý boıynsha jumys oblystyń PD basshylyǵynyń turaqty jáne erekshe baqylaýynda.


Bizdiń kanalymyzǵa jazylyńyz:

Basty sózder: Qaraǵandy oblysy, QR ІІM, Kólik, Jol,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT