Qaraǵandy oblysynda jol apatynan erli-zaıyptylar mert boldy
2022 jylǵy 1 shilde 17:40

Qaraǵandy oblysynda jol apatynan erli-zaıyptylar mert boldy

BALQASh. QazAqparat – Qaraǵandy oblysynyń Balqash qalasy mańynda júk tartqysh kólik joldan shyǵyp ketip, aýdaryldy. Apat saldarynan júk kóliginiń júrgizýshisi men onyń jubaıy qaza tapty, dep habarlaıdy QazAqparat tilshisi.

30 maýsym kúni saǵat 15.45-te «Balqash-Saryshaǵan» avtojolynda «DAF FT XF-105» júk kóliginiń qatysýymen jol apaty bolǵan.

Polıtseılerdiń aıtýynsha, júk tartqysh kólik Balqash qalasynan Saryshaǵan aýylyna qaraı jol tartqan.

Kentke 50 shaqyrym jetpeı 61 jastaǵy júrgizýshi rýldi basqara almaı, jol shetine aýdarylyp ketken.

«Jol-kólik oqıǵasy saldarynan júrgizýshi men 57 jastaǵy jolaýshy (jubaıy) oqıǵa ornynda qaıtys boldy. Fakt polıtsııada tirkelip, protsessýaldyq sheshim qabyldanatyn nátıje boıynsha tıisti saraptamalar taǵaıyndalady», - dep habarlady Qaraǵandy oblysy PD baspasóz qyzmeti.



Uqsas jańalyqtar

Jańalyqtar

Úrdis

MURAǴAT