Qaraǵandy oblysynda jol apatynan 2 júrgizýshi mert bolyp, 6 bala japa shekti
2022 jylǵy 30 maýsym 08:41

Qaraǵandy oblysynda jol apatynan 2 júrgizýshi mert bolyp, 6 bala japa shekti

QARAǴANDY. QazAqparat - Qaraǵandy oblysynyń Nura kentiniń mańynda jol apaty boldy. Eki kólik soqtyǵysyp, eki júrgizýshi de mert boldy, jeti bala zardap shekti, dep habarlaıdy QazAqparat tilshisi.

Jol apaty 28 maýsym kúni saǵat 21.45-te bolǵan. Nura aýylynan 4 shaqyrym jerde «Jaraspaı-Nura» avtojolynda eki avtokólik soqtyǵysqan. Polıtsııa departamentinde habarlaǵandaı, «Honda Odısseı» avtokóliginiń 58 jastaǵy júrgizýshisi aldyn rýldi basqara almaı, qarsy jolaqqa shyǵyp ketip, 25 jastaǵy júrgizýshiniń basqarýyndaǵy «Folksvagen Golf» avtokóligimen soqtyǵysqan.

«Oqıǵa ornynda «Honda Odısseı» avtokóliginiń júrgizýshisi kóz jumdy. «Folksvagen Golf» avtokóliginiń júrgizýshisi medıtsınalyq mekemede qaıtys boldy», - dep habarlady Qaraǵandy oblysy PD baspasóz qyzmeti.

Sondaı-aq, jol apatynan «Folksvagen Golf» avtokóliginiń jolaýshylary zardap shekti. 37 jáne 33 jastaǵy erli-zaıypty jáne olardyń 11, 8, 7, 6, 5 jáne 2 jastaǵy balalary, sondaı-aq 19 jastaǵy áıeldiń inisi medıtsınalyq mekemege jetkizildi.

Fakt polıtsııada tirkelip, tıisti saraptamalar taǵaıyndaldy, olardyń nátıjesi boıynsha protsessýaldyq sheshim qabyldanatyn bolady.


Uqsas jańalyqtar

Jańalyqtar

Úrdis

MURAǴAT