Qaraǵandy oblysynda jergilikti bıýdjetten 90 bilim granty berilmek
2022 jylǵy 11 tamyz 20:47

Qaraǵandy oblysynda jergilikti bıýdjetten 90 bilim granty berilmek

QARAǴANDY. QazAqparat – Qaraǵandy oblysynda jergilikti bıýdjetten bilim granttaryn alýǵa qujattar qabyldaý bastaldy. Bul granttarǵa 90 adam úmittene alady, dep habarlaıdy QazAqparat tilshisi.

«Jyl saıyn pedagogıkalyq jáne basqa da basymdyqqa ıe mamandyqtar boıynsha maqsatty daıarlaýǵa oblystyq bıýdjetten bilim berý granttary bólinedi. Bıyl olardyń sany 90-ǵa jetti. Onyń ishinde 30 oryn – «Pedagogıkalyq ǵylymdar» jáne 60 oryn – «Densaýlyq saqtaý» (rezıdentýra)», - dep málimdedi Qaraǵandy oblysy bilim basqarmasynyń baspasóz qyzmetinen.

Konkýrstyq komıssııanyń sheshimi boıynsha memlekettik tapsyrys joǵary jáne joǵary oqý ornynan keıingi bilimi bar mamandardy daıarlaýdyń mynadaı baǵyttary boıynsha bólingen:

Densaýlyq saqtaý:

- «Eresekter, balalar juqpaly aýrýlary» mamandyǵy boıynsha (rezıdentýra): Qaraǵandy medıtsına ýnıversıteti – 5 oryn;

- «Eresekter, balalar anestezıologııasy jáne reanımatologııasy» (rezıdentýra): Qaraǵandy medıtsına ýnıversıteti – 10 oryn, Astana medıtsına ýnıversıteti – 10 oryn;

- «Pedıatrııa» (rezıdentýra): Qaraǵandy medıtsına ýnıversıteti – 5 oryn;

- «Neonatologııa» (rezıdentýra): Qaraǵandy medıtsına ýnıversıteti – 5 oryn;

- «Akýsherlik jáne eresekter, balalar gınekologııasy» (rezıdentýra): Qaraǵandy medıtsına ýnıversıteti – 10 oryn, Astana medıtsına ýnıversıteti – 10 oryn;

- «Terapııa» (rezıdentýra): Qaraǵandy medıtsına ýnıversıteti – 5 oryn.

Bilim berý:

- bastaýysh oqytýdyń pedagogıkasy men ádistemesi muǵalimderi: E. Bóketov atyndaǵy Qaraǵandy ýnıversıteti – 2 oryn;

- dene shynyqtyrý: E. Bóketov atyndaǵy Qaraǵandy ýnıversıteti – 10 oryn;

- matematıkter: E. Bóketov atyndaǵy Qaraǵandy ýnıversıteti – 4 oryn, Ó. Baıqońyrov atyndaǵy Jezqazǵan ýnıversıteti – 1 oryn;

- fızıkter: E. Bóketov atyndaǵy Qaraǵandy ýnıversıteti – 3 oryn;

- orys tili men ádebıeti: E. Bóketov atyndaǵy Qaraǵandy ýnıversıteti – 4 oryn, Ó. Baıqońyrov atyndaǵy Jezqazǵan ýnıversıteti – 1 oryn;

- shet tili: E. Bóketov atyndaǵy Qaraǵandy ýnıversıteti – 5 oryn.

Bakalavrıat mamandyqtary boıynsha qujattardy qabyldaý 10-15 tamyz aralyǵynda atalǵan joǵary oqý oryndarynyń qabyldaý komıssııalarynda júzege asyrylady.

Bilim berý grantyn berý konkýrsyna qatysý úshin úmitker qujattaryn joǵary jáne joǵary oqý ornynan keıingi bilim berý uıymynyń qabyldaý komıssııasyna tapsyrady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT