+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qaraǵandy oblysynda jeltoqsanda lıftterdi qalpyna keltiretin aýqymdy joba iske qosylady

2019 jylǵy 18 qarasha 17:59
Bólisińiz:
Qaraǵandy oblysynda jeltoqsanda lıftterdi qalpyna keltiretin aýqymdy joba iske qosylady

QARAǴANDY. QazAqparat - Qaraǵandy oblysynda jeltoqsan aıynda ondaǵan jyl jumys istemegen lıftter aýystyrylady, dep habarlaıdy QazAqparat ishki saıasat basqarmasyna silteme jasap.

Uqsas jańalyqtar
Qazaqstanda lıft máselesi qalaı sheshiledi Qaraǵandy oblysynda jedelsatylar jóndeledi Turǵyn úı lıftin aýystyrý jergilikti ákimder quzyryna beriledi

Qaraǵandy oblysy baǵdarlamany iske asyrý boıynsha pılottyq óńir retinde tańdaldy, atalmysh jobany aldaǵy ýaqytta respýblıka boıynsha iske qosý josparlanyp otyr.

Qaraǵandy oblysy ákimdigi men «TKSh jańǵyrtý jáne damytýdyń qazaqstandyq ortalyǵy» AQ yntymaqtastyq týraly memorandýmǵa qol qoıdy.

- Másele óte ózekti. Qaraǵandy oblysynda segiz qalada: Qaraǵandy, Temirtaý, Balqash, Jezqazǵan, Shahtınsk, Sátbaev, Saran jáne Abaı qalalarynda lıft sharýashylyǵyna tekserý júrgizildi. Kóp qabatty úılerde 361 lıft jumys istemeıdi. Jáne taǵy 800-ge jýyq kótergish qurylǵylardyń paıdalaný merzimi aıaqtalýǵa jaqyn. TKSh jańǵyrtý men damytýdyń qazaqstandyq ortalyǵymen birlesip, biz úlken jumysty bastaımyz. Pılottyq jobany iske asyrýǵa jeltoqsan aıynda kirisemiz. Jyl sońyna deıin 10-20 lıfti aýystyrýdy josparlap otyrmyz. Bul tek bastamasy bolady. Al kelesi jyly 160-170 jańa lıft ornatamyz, - dedi Jeńis Qasymbek.

TKSh jańǵyrtý jáne damytý ortalyǵy 8 jyl merzimge 2 mlrd teńge kóleminde qaryz beredi. Turǵyndar bul qarajatty birtindep óteıtin bolady. Esep aıyrysý boıynsha ár páterden aı saıynǵy tólem 4000 teńgeden aspaıdy.

- Bul qysqa merzimde kóp jylǵy problemany sheshýge múmkindik beredi. Meniń oıymsha, nesıe sharttary jeńildetilgen jáne qolaıly. Biz aldyn ala úı turǵyndarymen jıyndar ótkizdik, tártip túsindirildi. Árıne, belgili bir suraqtar boldy. Áleýmettik osal sanattaǵy otbasylar úshin basqa parametrler bolady, olar turǵyn úı kómegi arqyly shyǵyndardy óteıdi, - dep atap ótti oblys ákimi. – Jalpy, adamdar osy baǵdarlamany asyǵa kútip otyr dep aıtqym keledi. Kún saıyn 8-9 qabatqa jaıaý shyǵý yńǵaısyz jáne óte qıyn. Meniń oıymsha, kelesi jyl osy problema túbegeıli sheshiletin bolady.



Qaraǵandylyqtar pılottyq jobany júzege asyrýǵa daıyn, dep atap ótti kredıtorlar. Bul qadam jumysty jedel bastaýǵa múmkindik beredi.

- Lıft sharýashylyǵy máselesi búkil el úshin ózekti. Respýblıkada 4000-nan astam lıft aýystyrýdy qajet etedi. Baǵdarlamany pılottyq rejimde biz Qaraǵandy oblysynda iske qosamyz. Qarjylandyrý bólinetin bolady. Mehanızmderdi jetildiremiz, - dep atap ótti «TKSh jańǵyrtý men damytýdyń qazaqstandyq ortalyǵy» AQ tóraǵasynyń orynbasary Meıirjan Mákenov.

2021 jylǵa deıin Qaraǵandy oblysynyń kóp qabatty úılerindegi jumys istemeıtin 361 lıfti tolyǵymen aýystyrý josparlanyp otyr. Aldaǵy ýaqytta bılik barlyq lıft sharýashylyǵy normatıvtik talaptarǵa saı keltiriledi dep úmittenýde.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT