+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Qaraǵandy oblysynda jedel áreket etý ortalyǵy jumysyn bastady

2020 jylǵy 2 sáýir 16:55
Bólisińiz:
Qaraǵandy oblysynda jedel áreket etý ortalyǵy jumysyn bastady

QARAǴANDY. QazAqparat – Qaraǵandy oblysynyń ákimi Jeńis Qasymbektiń tapsyrmasy boıynsha jedel áreket etý ortalyǵy ashylady. Munda tótenshe jaǵdaı jáne karantın kezindegi óńirdegi jaǵdaı týraly barlyq aqparat kelip túsedi.Sondaı-aq qajetti sheshimder qabyldanatyn bolady, dep habarlaıdy QazAqparat tilshisi.

Jańa qurylym óńirlik jedel shtabtyń negizgi sheshim qabyldaý ortalyǵy bolady.

«JÁO-ǵa biz barlyq jumyldyrylǵan qurylymdar men qyzmetter mamandaryn: polıtsııany, SEQ, áskerı, oblystyq densaýlyq saqtaý basqarmasy, oblystyq basqarmalar men departamentterdi jumyldyrdyq. JÁO-na oblysta ne bolyp jatqany týraly barlyq aqparat kelip túsetin bolady. Jumys tártibi-24/7. Bul aqparat odan ári is-qımyl boıynsha usynystardy taldaý jáne ázirleý úshin óte mańyzdy. Sondaı-aq, barlyq qyzmetterdiń qatysýy arqyly týyndaǵan máselelerdi sheshý jyldamdyǵy artady», - dedi oblys ákiminiń orynbasary Álisher Ábdiqadyrov Facebook-tegi paraqshasynda.

Ortalyqtyń jumysy birqatar baǵyttar boıynsha qurylǵan: sanıtarlyq-epıdemıologııalyq qaýipsizdik jáne dezınfektsııa, azyq-túlik qaýipsizdigin qamtamasyz etý, tirshilikti qamtamasyz etý (TKSh, energetıka), blok beketteriniń jumysyn úılestirý jáne t. b. Senim 109 qyzmeti JÁO-nyń jedel qoldaý jelisi bolady. Turǵyndar bul jelige ózderiniń barlyq máselelerimen júgine alady.

«Barlyǵymyz birge birqatar shekteýler jaǵdaıynda oblystyń tynys-tirshiligin qamtamasyz etýge tyrysamyz. Basty mindet–koronavırýstyń keń taralýyna jol bermeý jáne oblys ekonomıkasyna jáne turǵyndardyń ál-aýqatyna teris áserin azaıtý bolyp tabylady», - dep atap ótti oblys ákiminiń orynbasary.

Karantındik aımaqtaǵy kásiporyndarda jumys isteıtin turǵyndardyń tizimi qalyptastyryldy, dep habarlady Álisher Ábdiqadyrov. Bul rette Qaraǵandy, Temirtaý, Saran, Shahtınsk jáne Abaı qalalarynyń ákimdikteri kómek kórsetti. Búgingi kúnnen bastap, 2 sáýirde, adamdar baqylaý beketteri arqyly jumysqa ótedi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT