+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Qaraǵandy oblysynda jańa qus fabrıkasy iske qosyldy

2020 jylǵy 12 qyrkúıek 07:33
Bólisińiz:
Qaraǵandy oblysynda jańa qus fabrıkasy iske qosyldy

QARAǴANDY. QazAqparat – Qaraǵandy oblysy Nura aýdanynyń Ahmet aýylynda «Quǵabaev N. S.» sharýa qojalyǵy qus fabrıkasyn iske qosty. 10 myń taýyqqa arnalǵan keshen jylyna 100 tonna et jáne 350-400 myń jumyrtqa óndiretini josparlanǵan, dep habarlaıdy QazAqparat tilshisi.

Jobany júzege asyrýǵa kásipkerler 20 mln teńge qarjy saldy. Daıyndyq jumystary barysynda aýdany 1 300 sharshy metr bos ǵımarat qalpyna keltirildi. Qýattylyǵy ártúrli otandyq jáne sheteldik óndiristiń 36 ınkýbatsııalyq jabdyǵy, balapandardy ósirýge arnalǵan 80 brýder, qustardy ustaýǵa arnalǵan 50-den astam tor jáne ónimdiligi saǵatyna 150 bas modýldik qus fabrıkasy satyp alyndy.

Qazirgi ýaqytta qus qorasynda kobb-500 et tuqymdy 900 balapan bar. Olar 50-60 kún ósiriledi. Munda sondaı-aq, manjýrlik bódene ósiriledi. Olardyń sany 2,5 myńǵa jetti. Sonymen qatar, brama, amroks, kýchınskaıa jáne haıseks sııaqty taýyqtardyń tuqymdary bar. Kobb-500-di qospaǵanda, barlyq taýyq túrleri jumyrtqa óndirý jáne ósirý úshin baptalady.

Joba aıasynda jańa jumys oryndary quryldy. Qus sharýashylyǵy kesheni tolyǵymen avtomattandyrylǵanyna qaramastan, óndiriske jergilikti segiz turǵyn tartylǵan. Taǵy úsh bos jumys orny bar.

Aıta ketý kerek, bul sharýashylyq elordadaǵy Sáken Seıfýllın atyndaǵy Qazaq agrotehnıkalyq ýnıversıtetimen yntymaqtasady. JOO taýyqtardy kútý, tuqymdar, jem jáne veterınarııa salasyndaǵy selektsııa boıynsha konsýltatıvtik jáne túsindirme kómek kórsetedi.

Joba ekologııalyq taza ónim alýǵa baǵyttalǵandyqtan, barlyq talaptar oryndalýda.

Bolashaqta ónimdi Nura aýdany, Qaraǵandy jáne Nur-Sultan bazarlaryna shyǵarý josparlanýda.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT