+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qaraǵandy oblysynda úzdik medıtsına qyzmetkerleri marapattaldy

2021 jylǵy 20 maýsym 09:00
Bólisińiz:
Qaraǵandy oblysynda úzdik medıtsına qyzmetkerleri marapattaldy

QARAǴANDY. QazAqparat – Kásibı mereke qarsańynda úzdik medıtsına qyzmetkerleri Qaraǵandy oblysy ákiminiń marapattaryna ıe boldy.

Uqsas jańalyqtar
Jambyl oblysyndaǵy kúre jolda jedel járdem kóligi apatqa ushyrady ShQO-da bıyl Qoldau 24/7 qosymshasy arqyly 600-den astam shaǵym túsken Ázerbaıjanda COVID tólqujattaryn tekserýge arnalǵan mobıldi qosymsha tanystyryldy

Byltyrǵydaı, bıyl da pandemııaǵa baılanysty olar resmı rásimder ótkizbeýge sheshim qabyldady. Quttyqtaýdyń teledıdarlyq nusqasy jergilikti arnalardyń efırinen kórsetildi.

«Kez-kelgen qoǵamnyń, kez-kelgen memlekettiń damýynyń negizi, eń aldymen, deni saý ult. Sizderdiń halyqtyń densaýlyǵyn nyǵaıtýǵa jáne saqtaýǵa qosqan úlesińiz baǵalaýǵa laıyq. Pandemııanyń eń qıyn kezeńinde sizder joǵary deńgeıdegi kásibı sheberlikti, tańdaǵan iske degen adaldyqty kórsettińizder. Oblysta sapaly jáne qoljetimdi medıtsınalyq qyzmetterdi alý úshin jaǵdaılar jasaldy. Biz birlesken kúsh-jigermen barlyq qıyndyqtardy jeńetinimizge jáne densaýlyq saqtaý júıesiniń mindetterin oıdaǵydaı oryndaıtynymyzǵa senimdimin», – dep aımaq basshysy Jeńis Qasymbek merekemen quttyqtaı kele, dárigerlerge atqarǵan jumystary úshin alǵysyn bildirdi.

Telerásimge túsirilim tek Qaraǵandyda ǵana emes, sonymen birge Nur-Sultan men Almatyda da júrgizildi. Jeńimpazdardyń esimderi jazylǵan konvertter ashylyp, áriptesterin tanymal densaýlyq saqtaý qyzmetkerleri: akademık Telman Seısembekov, professorlar Tóregeldi Sharmanov, Bolatbek Baımahanov, Tólebaı Rahypbekov jáne basqalar quttyqtady.

Dárigerlerge arnaıy daıyndalǵan kontsert qoıyldy.

Jeti nomınatsııa boıynsha baıqaý jeńimpazdaryna 500 myń teńge syıaqy berildi.

«Mamandyǵyna adaldyǵy úshin» arnaıy syılyǵynyń jáne mıllıon teńgeniń sertıfıkatynyń ıegeri 77 jastaǵy dáriger-travmatolog Tursyn Nurǵalıev boldy. Ol medıtsınada jarty ǵasyr boıy eńbek etip keledi. Qazir ol Saran qalasyndaǵy ortalyq aýrýhanada jumys isteıdi. Ony áriptesteri óziniń kásibı deńgeıin únemi kóterip otyratyn tájirıbeli maman retinde qurmetteıdi.

2021 jylǵy oblys ákimi syılyǵynyń ıegerleri:

- «Úzdik akýsher-gınekolog» nomınatsııasy boıynsha – Temirtaý qalasyndaǵy ana men balaǵa arnalǵan kópsalaly ortalyq dárigeri Aleksandra Desıatıchenko;

- «Úzdik jalpy tájirıbe dárigeri» – Jańaarqa aýdanynyń ortalyq aýdandyq aýrýhanasynyń dárigeri Maqpal Rahımova;

- «Úzdik pedıatr» – Jezqazǵan qalasynyń kópsalaly aýrýhanasynyń balalar nevropatology Baqyt Dosjanova;

- «Úzdik terapevt» – Shahtınsk qalasyndaǵy ortalyq aýrýhananyń kardıologııa bóliminiń meńgerýshisi Gúlnara Aqaeva;

- «Úzdik hırýrg» – Oblystyq klınıkalyq aýrýhananyń qan tamyrlary hırýrgııasy bóliminiń meńgerýshisi Frants Galıtskıı;

- «Úzdik orta medıtsınalyq qyzmetker» – Oblystyq klınıkalyq aýrýhananyń meıirbıke-anestezıology Marııash Salımova;

- «Densaýlyq saqtaýdyń úzdik uıymdastyrýshysy» – Qaraǵandy qalasyndaǵy №1 kópsalaly aýrýhananyń dırektory Dmıtrıı Chernov.

Qazaqstandaǵy medıtsına qyzmetkerleri kúni jyl saıyn maýsymnyń úshinshi jeksenbisinde atap ótiledi. Qaraǵandy oblysy ákiminiń densaýlyq saqtaý qyzmetkerlerine syılyǵy 2006 jyly bekitilgen.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT