+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qaraǵandy oblysynda úshinshi kún elektr stansasy iske qosyldy

2019 jylǵy 25 qyrkúıek 13:40
Bólisińiz:
Qaraǵandy oblysynda úshinshi kún elektr stansasy iske qosyldy

QARAǴANDY. QazAqparat - Elimizdiń toǵyzynshy óńiri taǵy bir «jasyl» nysanmen tolyqty. Shet aýdanynyń Aǵadyr kentinde qýaty 50 MVt kún elektr stansasy salyndy, dep habarlaıdy QazAqparat tilshisi.

Uqsas jańalyqtar
Tselınograd aýdanynda kún elektr stansasy salynady - Aqmola oblysy Shıelide kún elektr stansasynyń qurylysy bastaldy

Búgin Qaraǵandy oblysy jańartylǵan energııa kózderin engizý boıynsha kóshbasshy óńirge aınaldy. Osy jyly munda úshinshi iri joba iske qosylady.

«Bizde bir maqsat bar. Bul Elbasynyń tapsyrmasy - Qazaqstandaǵy balamaly energııa úlesin 30%-ǵa jetkizý. Biz bul baǵytqa senimdi qadam basyp kelemiz. Búgin biz oblysta úshinshi iri kún elektr stansasyn iske qosamyz. Bul joba óńirimizdiń ónerkásibin damytý úshin óte mańyzdy. Kún energııasyn damyta otyryp, biz qýat tapshylyǵyn eńserip qana qoımaı, ekologııalyq máselelerdi de sheshemiz», - dedi Qaraǵandy oblysy ákiminiń orynbasary Almas Aıdarov.

Shet aýdanyndaǵy kún fermasy 125 gektar jerdi alyp jatyr. Munda qýatty qosalqy stansalar men 150 myń gelıopanel ornatyldy. «Aqadyr» KES oblys ákimdiginiń «Kazakh Invest» UK» AQ birlesken jumysy barysynda germanııalyq Solarnet Investment GmbH kompanııasynyń jeke ınvestıtsııacyna salyndy. Jobanyń quny - 55 mln eýro.


«Bul bizdiń Qaraǵandy oblysynda iske qosyp otyrǵan ekinshi kún elektr stansamyz. Atalmysh jobalar nemis ınvestorlary, oblys ákimdigi jáne «Kazakh Invest» UK» AQ birlesken jumysynyń arqasynda múmkin bolyp otyr», - dep atap ótti bas ınvestor Iohım Goldbek.

Ol búginde KES ónimdiligi saǵatyna 25 MVt energııany quraıtynyn habarlady. Jáne kún fermasyn 76 MVt-qa deıin ulǵaıta otyryp, keńeıtý týraly kelisimge qol jetkizildi.

Jyldyń basynda Qaraǵandy oblysy eýropalyq ınvestorlarmen balamaly energetıkany damytý jóninde memorandým jasasty. Bolashaqta bul taǵy 500 MVt kún energııasyna qol jetkizedi jáne 500 mln eýro tikeleı sheteldik ınvestıtsııalardy tartýǵa múmkindik týdyrady.


Qaraǵandy oblysynda budan basqa Saran men Gúlshat kentinde eki kún elektr stansasy jumys isteıdi. Endi óńirdegi úsh qýat kózi 200 MVt-qa deıin «jasyl» energııa bere alady.

Eske sala ketsek, Aqtóbe oblysynda qýaty 48 MVt-tyq jel stansasy salynatyny habarlanda. Úlken jobany halyqaralyq munaı kompanııasy qarjylandyrdy.




Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT