+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qaraǵandy oblysynda tórtinshi kún elektr stansasy iske qosyldy

2020 jylǵy 9 qańtar 19:24
Bólisińiz:
Qaraǵandy oblysynda tórtinshi kún elektr stansasy iske qosyldy

QARAǴANDY. QazAqparat - Jezqazǵan mańyndaǵy Keńgir kentinde jańa «jasyl» joba paıda boldy, dep habarlaıdy QazAqparat tilshisi.

Qýaty 10 MVt óńirdegi tórtinshi kún elektr stansasy ótken jyldyń jeltoqsanynda paıdalanýǵa berildi. 20 gektar alańda 29 436 kún paneli ornatyldy. Olar jylyna 14 mıllıon kVt/saǵat óndiredi.

Qaraǵandy oblysynyń ákimi Jeńis Qasymbek Jezqazǵanǵa jumys sapary barysynda kún elektr stansasynda bolyp, 2019 jyl óńir úshin balamaly energııa kózderin engizýde serpindi bolady dep málimdedi.

«Kún energııasyn damyta otyryp, biz qýattar tapshylyǵyn eńserip qana qoımaı, ekologııalyq máselelerdi sheshemiz jáne bizdiń oblys jańartylatyn energııa kózderin damytý kóshbasshysyna aınalýda», - dedi Jeńis Qasymbek.

Esterińizge sala keteıik, osyndaı alǵashqy úsh elektr stansasy Saranda, Gúlshat jáne Aqadyr kentterinde salynǵan bolatyn. Olardyń eń úlkeni – Saran qalasyndaǵy 100 M/vatt qýaty bar stansa.

Jalpy, Qaraǵandy oblysynda barlyq kún stansalarynyń qurylysyna 60 mlrd teńgeden astam jeke ınvestıtsııa salyndy. Al jyl basynda nemis ınvestorlarymen memorandým jasaldy. Kelisimge saı qýaty 500 M/vatt bolatyn taǵy bir kún elektr stansasy salynýy tıis. Joba 500 mıllıon eýroǵa baǵalanady.

Keńgirdegi jańa kún stansasy tolyǵymen avtomattandyrylǵan. Munda barlyǵy 10 adam jumys isteıdi. Nysan jeke ınvestıtsııa esebinen salynǵan. Óndiriletin elektr energııasyn «Jezqazǵan Elektrjeli taratý kompanııasy» AQ jelisinde taratatyn bolady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT