Qaraǵandy oblysynda tórt jańa kompıýterlik tomografııa kabıneti ashylady
2022 jylǵy 21 qańtar 00:32

Qaraǵandy oblysynda tórt jańa kompıýterlik tomografııa kabıneti ashylady

QARAǴANDY. QazAqparat – Qaraǵandy oblysynda koronavırýsty emdeý úshin barlyq qajetti dári-dármekter, jeke qorǵanys quraldary, sondaı-aq ottegi kontsentratorlary bar. Aýrýdy jedel anyqtaý úshin segiz PTR-zerthana ashylyp, 26 kompıýterlik tomografııa apparaty jumys isteıdi. Bıyl taǵy da osyndaı tórt kabınet ashylady, dep habarlaıdy QazAqparat tilshisi.

Olar memlekettik-jeke menshik áriptestik baǵdarlamasy boıynsha Jańaarqa, Osakarov, Qarqaraly aýdandarynyń aýrýhanalarynda, sondaı-aq oblystyq ftızıopýlmonologııa ortalyǵynda ashylady.

«Óńirde kún saıyn dert juqtyrǵandar sany artyp keledi. Jedel járdemge jáne mobıldi toptarǵa túsetin qońyraýlar sany da artty. Bizde tósek-oryndardy ornalastyrýdyń kezeńdik jospary bar. Rezervte 2 300 tósek bar. ıAǵnı, júıe daıyn, dári-dármekter de jetkilikti», – dep atap ótti Densaýlyq saqtaý basqarmasynyń basshysy Gamal Toqsambaev.

Koronavırýs ınfektsııasymen aýyratyn naýqastarǵa medıtsınalyq kómek kórsetý úshin 44 statsıonar jumys isteıdi. Olar reanımatsııany qosa alǵanda, zamanaýı medıtsınalyq jabdyqtarmen qamtylǵan. Gospıtaldarda 6 myńnan astam dáriger jumys isteýge daıyn. Turǵyndardyń shaqyrtýlaryna jelilik jedel járdem mashınalarymen qatar 128 reanımobıl qyzmet kórsetedi.

«Bizdiń oblysta medıtsınalyq uıymdarda 1 160 ortalyqtandyrylǵan ottegi jetkizý orny, 29 myń ottegi ballony bar. Sońǵylary kezeń-kezeńmen toltyrylýda. Barlyq emhanalarda adamdar telefon arqyly keńes ala alatyndaı sall-ortalyqtar jumys isteıdi. Vaktsınatsııa ınfektsııa men aýrýdyń asqynýyn boldyrmaýǵa kómektesedi. Oblysta 115 ımmýndaý ortalyǵy belsendi jumys isteıdi. Pfizermen vaktsınatsııalaý úshin mamandandyrylǵan tońazytqysh jabdyqtary bar qosymsha 27 ortalyq jumys isteıdi. Óńirde barlyǵy 566 myńnan astam adam eki komponentpen ekpe aldy», – dep tolyqtyrdy Densaýlyq saqtaý basqarmasynyń basshysy.

Aıta keteıik, ótken jyldyń qarasha aıynan bastap oblysta koronavırýs ınfektsııasyna qarsy halyqtyń revaktsınatsııasy bastaldy.


Jańalyqtar

MURAǴAT