+7 (701) 759 90 19
USD 419.87 EUR 508.04
RUB 5.7 CNY 65
Jańalyqtar

Qaraǵandy oblysynda sybaılas jemqorlyqqa beıim salalar ataldy

2021 jylǵy 23 qańtar 20:09
Bólisińiz:
Qaraǵandy oblysynda sybaılas jemqorlyqqa beıim salalar ataldy

QARAǴANDY. QazAqparat – Qaraǵandy oblysynda sybaılas jemqorlyq táýekelderin tómendetý boıynsha jumys júrgizilýde. Ótken jyly taldaý on úsh memlekettik kásiporynda júrgizildi. Sybaılas jemqorlyqqa qarsy monıtorıngpen kóptegen memlekettik qyzmetter qamtyldy. Memlekettik baǵdarlamalardy iske asyrýǵa baǵyttalǵan bıýdjet qarajatynyń jumsalýy qadaǵalanady, dep habarlaıdy QazAqparat tilshisi.

Uqsas jańalyqtar
Kvazımemlekettik kompanııalarǵa jemqorlyqqa qarsy komplaens engizilip jatyr «Adaldyq alańy» jobalyq keńsesiniń jetekshisi Tólegen Baıǵulov ómirden ótti Túrkistan oblysynda bilim salasyndaǵy jemqorlyq máselesi talqylandy

Sybaılas jemqorlyqqa qarsy kúreste basty nazar aldyn alý sharalaryna aýdaryldy. Transparency International qoǵamdyq qorynyń zertteýi kúsh-jigerdi qaıda baǵyttaý kerektigin kórsetti.

Saýalnama nátıjeleri sybaılas jemqorlyqqa qarsy is-qımyl jónindegi óńirlik komıssııa otyrysynda talqylandy.

«Qazaqstanda jyl saıyn Transparency International halyqaralyq úkimettik emes uıymyna zertteý júrgiziledi. Ekinshi jyl qatarynan saýalnamaǵa Qaraǵandy oblysynyń turǵyndary qatysýda. Zertteý nátıjeleri kemshilikter men problemalardy kórsetedi. Birlesken jumysymyzdyń tıimdiligin arttyrý úshin egjeı-tegjeıli jol kartasyn ázirleýdi usynamyn», - dedi QR Sybaılas jemqorlyqqa qarsy is-qımyl agenttiginiń Qaraǵandy oblysy boıynsha

departamentiniń basshysy Denıs Shakenov.

Onyń aıtýynsha, respondentter memlekettik aýrýhanalar men emhanalarda, balabaqshalar men kolledjderde jıi «kelissózder júrgizýge» týra keletinin atap ótti. Qaýip aımaqtaryna polıtsııa, jumyspen qamtý qyzmeti, jer qatynastary bólimderi, MSQB basqarmasy, áskerı komıssarıattar da kirdi.

Saýalnamaǵa qatysýshylar deldaldardyń kómegi týraly habarlady. Zertteý kórsetkendeı, mundaı jaǵdaılar az emes. Sondaı-aq azamattardyń úshten ekisi sybaılas jemqorlyqqa qarsy kúreste kómek kórsetýge daıyn ekendikterin bildirdi, dep atap ótti vedomstvo basshysy.

Jeke kásipkerler arasynda saýalnama júrgizildi. Olardyń jartysyna jýyǵy kez kelgen máseleni zańdy túrde sheshýge bolady dep sanaıdy. Sonymen qatar 17 paıyzy sybaılas jemqorlyq shemalary arqyly sheshilip jatqanyn aıtqan.

Sybaılas jemqorlyqqa neǵurlym beıim retinde jer qatynastary salasy, órtke qarsy qyzmet kórsetilgen.

«Memlekettik qyzmet kórsetýdiń ashyqtyǵy men sapasy - eń mańyzdy basymdylyq. Barlyǵy ashyq bolýy kerek. Tikeleı baılanystardy boldyrmaý úshin qyzmetterdi barynsha tsıfrlyq formatqa kóshirý qajet. Barlyqtaryńyzǵa zertteý nátıjelerine taldaý jasap, kemshilikterdi joıý úshin sharalar qabyldaýdy tapsyramyn», - dep atap ótti oblys ákimi Jeńis Qasymbek.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT