+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Qaraǵandy oblysynda sý tasqynyna tosqaýyl qoıý sharalary pysyqtalyp jatyr

2020 jylǵy 27 aqpan 11:47
Bólisińiz:
Qaraǵandy oblysynda sý tasqynyna tosqaýyl qoıý sharalary pysyqtalyp jatyr

QARAǴANDY. QazAqparat – Qaraǵandy oblysynda «Kóktem-2020» respýblıkalyq komandalyq-shtabtyq oqý-jattyǵýy ótti. Eki kún boıy, 25 jáne 26 aqpan kúnderi qatysýshylar sý tasqyny kezinde tótenshe jaǵdaılardy joıýǵa daıyndaldy, dep habarlaıda QazAqparat tilshisi.

Uqsas jańalyqtar
Áskerı mindettiler sý tasqynymen kúreske jumyldyrylýy múmkin SQO eldi mekenderin sý basý qaýpi azaıdy Qostanaı oblysynyń 99 eldi mekenin sý basý qaýpi bar

Qutqarýshylar, polıtsııa, medıtsına qyzmetkerleri, Ulttyq ulannyń áskerı qyzmetshileri men ákimdikterdiń qyzmetkerleri úılesimdi jumys atqarý boıynsha mashyqtaryn jetildirdi. Oqý-jattyǵýǵa 2 500 adam jáne 300-ge jýyq tehnıka jumyldyryldy.

«Oqý-jattyǵýdyń maqsaty – naqty tájirıbelik jumys. Barlyq pýnktterde arnalardy, aryqtardy tazalaý, qorǵaý bilikteri pysyqtaldy. Barlyǵy 72 bilikte 52 tájirıbelik is-shara ótkizildi. Sondaı-aq adamdardy sýda qutqarý, halyqty evakýatsııalaý jáne basqa da is-qımyldar pysyqtaldy», - dep habarlady Qaraǵandy oblysy TJD bastyǵy Ibragım Kúlshimbaev.

Qaraǵandy oblysynyń ákimi Jeńis Qasymbek te «Kóktem - 2020» oqý-jattyǵýynda bolyp qaıtty. Óńir basshysyna qutqarýshylardyń tehnıkasy kórsetildi. Sý tasqynyna daıyndyq týraly baıandaldy.

Qaraǵandy oblysynda apatpen kúresý úshin 2 myńǵa jýyq tehnıka daıyndalǵan. Onyń ishinde joǵary ótimdi vahta avtobýsy, jol talǵamaıtyn kólikter, motopompalar bar. Qutqarýshylar úshin -40 gradýsqa deıingi temperatýrada sýda jumys isteýge múmkindik beretin gıdrokostıýmder satyp alynǵan.

Oqý-jattyǵýlarǵa qatysýshylar Nura ózeninde kórneki jarylys jumystaryn júrgizdi. Sý tasqyny kezinde yqtımal qaýipti ýchaskelerde - eldi meken mańyndaǵy ózende muz jarý qajet ekeni aıtyldy.

Jeńis Qasymbek Sadovoe aýylynyń aınalasyndaǵy úıme jaldy qarap shyqty. Bul jerde 2017 jyly úılerdi sý basýdan qutqarý úshin bóget salynǵan. Ótken kóktemde ol uzartyldy jáne nyǵaıtyldy. Al erigen sýdyń bógetten asyp ketpeýi úshin qosymsha arna qazyldy. Úıilme bógettiń jalpy uzyndyǵy – 3,6 shaqyrym, eni – segiz metr, al bıiktigi - eki metr.

Oblysta úıme jal men qorǵanys bógetteriniń sý tasqynynan zardap shegýi múmkin barlyq eldi mekenderdiń janynda jasaldy jáne nyǵaıtylady. Aýyldarda turaqty kezekshilik úshin arnaıy qutqarýshylar toby quryldy. Óńirde sý tasqynyna qarsy 5,7 myńdaı adam kúresetin bolady. Onyń ishinde – aýdan ákimderi men ákimdikterdiń qyzmetkerleri de bar. Olarǵa aýylda kóktemgi sý tasqynyna qalaı tosqaýyl qoıý kerektigi úıretildi. 58 memlekettik qyzmetker qysqa kýrs tyńdady, kelesi aptada taǵy 30 memlekettik qyzmetker oqytylady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT