+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qaraǵandy oblysynda ónerkásip ónimderin óndirý bes esege artty

2021 jylǵy 28 qyrkúıek 11:35
Bólisińiz:
Qaraǵandy oblysynda ónerkásip ónimderin óndirý bes esege artty

QARAǴANDY. QazAqparat – Qaraǵandy oblysynda Indýstrııalandyrý kartasyna 16 myńnan astam jumys ornyn qurýdy qarastyratyn jalpy somasy 1,2 trln teńgege 134 joba engizildi. Olardyń kópshiligi iske qosyldy jáne jumys isteıdi. Jańa óndiristerdiń arqasynda óńirde ónerkásip ónimderin óndirý 5 ese ósti, dep habarlaıdy QazAqparat tilshisi.

Uqsas jańalyqtar
Qyzylordada jyl basynan beri ónerkásip kásiporyndary 543 mlrd. teńgeniń ónimin óndirdi

Baǵdarlamanyń iske asý barysy týraly onlaın rejımde ótken apparattyq keńeste aıtyldy.

«Indýstrııalandyrý jyldarynda 2010 jyldan bastap Indýstrııalandyrý kartasy aıasynda oblysta 94 joba iske asyryldy. Investıtsııanyń jalpy somasy 387,3 mlrd teńgeni qurady. Kásiporyndarda 8 myńǵa jýyq jumys orny ashyldy. Jobalardy iske asyrý óndiris kólemin 5 esege, eńbek ónimdiligin 1,7 esege arttyrýǵa múmkindik berdi», – dep baıandady ónerkásip jáne ındýstrııalyq-ınnovatsııalyq damý basqarmasynyń basshysy Murat Qydyrǵanbekov.

Óńir kásiporyndary buǵan deıin shetelden satyp alýǵa týra kelgen ónimdi shyǵarýdy ıgerdi.

Úshinshi besjyldyqta 2020 jyldan 2025 jylǵa deıin 43 ınvestıtsııalyq jobany iske asyrý josparlanǵan. Ótken jyly úsh iri joba iske qosyldy: Temirtaýda «Lınde Gaz Qazaqstan» JShS ekinshi kezegi engizildi, Qaraǵandyda «Qaz Carbon» JShS quıý óndirisi jańǵyrtyldy, Saran qalasynda Yutong álemdik brendimen birlesip avtobýs zaýyty iske qosyldy.

2021 jylǵa 10 ınvestıtsııalyq jobany júzege asyrý josparlanǵan. Alaıda, pandemııaǵa baılanysty obektıvti sebepter boıynsha olardyń keıbirin keıinge qaldyrýǵa týra keldi.

Bıyl Indýstrııalandyrý kartasy boıynsha Jáırem taý-ken baıytý kombınaty, aglomeratsııalyq fabrıkasy bar Saryarqa ferroqorytpa zaýyty sııaqty iri kásiporyndar iske qosylady.

Oblys ákimi Jeńis Qasymbek ınvestorlarǵa qajetti kómek kórsetýdi tapsyrdy.

«Osy jylǵa josparlanǵan jobalardyń ýaqtyly iske qosylýyn qamtamasyz etken jón. Jobalardyń tolyq qýatqa shyǵýy erekshe baqylaýda. Sondaı-aq kásipkerlikti qoldaý kartasyna engizý úshin jańa ınvestıtsııalyq jobalardy izdestirýmen aınalysý kerek», – dedi óńir basshysy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT