+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qaraǵandy oblysynda Nur Otan-nyń saılaýaldy baǵdarlamasy qalaı oryndalýda

2021 jylǵy 27 qyrkúıek 05:27
Bólisińiz:
Qaraǵandy oblysynda Nur Otan-nyń saılaýaldy baǵdarlamasy qalaı oryndalýda

QARAǴANDY. QazAqparat – Qaraǵandy oblysynda Saıası keńes bıýrosynyń keńeıtilgen otyrysynda Nur Otan partııasy saılaýaldy baǵdarlamasynyń Jol kartasyn segiz aı ishinde júzege asyrý barysy talqylandy. Ol jeti baǵyt boıynsha barlyǵy 130 tarmaqtan turady, dep habarlaıdy QazAqparat tilshisi.

Uqsas jańalyqtar

Esterińizge sala keteıik, partııalyqtar Qaraǵandy oblysynyń turǵyndarymen kezdesip, naqty qajettilikter men problemalardy bilgen edi. Qala jáne aýyl turǵyndarynyń 1 500 ózekti usynysy negizinde olar 2025 jylǵa deıingi jol kartasyn ázirledi. Onda 6 400-den astam is-shara jáne 1 715 nysanaly ındıkator bar.


Óńirdiń erekshelikterin eskere otyryp, jeti basymdyq qalyptastyryldy. Olardyń arasynda áleýmettik-ekonomıkalyq damý, jastardy qoldaý, qylmys deńgeıin tómendetý jáne taǵy basqasy bar.

«Esepti kezeńde 29 tarmaq oryndaldy. Taǵy 90-nan astam joba aıaqtalýǵa jaqyn. Bıyl negizgi kapıtalǵa keminde 810 mıllıard teńge ınvestıtsııa tartý josparlanýda, onyń 80% astamy – jekemenshik», – dedi Ekonomıka basqarmasynyń basshysy Azamat Muqanov.

Jyl sońyna deıin 14 jańa óndiris iske qosylyp, 2 myńǵa jýyq jumys orny ashylýy tıis. Birneshe joba sátti jumys istep jatyr. Bul Jáırem taý-ken baıytý kombınaty, Qaz Tehna avtozaýyty, QazCarbon baıytý fabrıkasy, «Trýbprom» polıetılen qubyrlarynyń óndirisi.

Oblys ákimi Jeńis Qasymbek Jol kartasynyń oryndalýy boıynsha jumysty kúsheıtýdi jáne barlyq josparlanǵan jobalardy iske asyrýdy qamtamasyz etýdi tapsyrdy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT