+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qaraǵandy oblysynda monıtorıngtik toptar jumysyn kúsheıtti

2021 jylǵy 5 tamyz 23:15
Bólisińiz:
Qaraǵandy oblysynda monıtorıngtik toptar jumysyn kúsheıtti

QARAǴANDY. QazAqparat – Qaraǵandy oblysynda karantın men shekteý talaptarynyń saqtalýyn baqylaý boıynsha 112 mobıldi top jumys isteıdi. Búginde olar kúsheıtilgen rejımde jumys isteýde, dep habarlaıdy QazAqparat tilshisi.

Uqsas jańalyqtar
ShQO-da koronavırýs juqtyrǵandar azaıdy ma, Ashyq jobasynyń tıimdiligi qandaı - mamanmen suhbat Aqtóbede «qyzyl» mártebesi bar adamdarǵa 3 mln teńge aıyppul salyndy Atyraý oblysynda koronavırýs juqtyrǵan 27 naýqastyń jaǵdaıy aýyr

Bul týraly Óńirlik kommýnıkatsııalar qyzmeti alańynda ótken brıfıngte jedel basqarý ortalyǵynyń basshysy Qaırat Shormanbaev málimdedi.

«Eldegi epıdemıologııalyq jaǵdaıdy baǵalaý matrıtsasyna sáıkes, Qaraǵandy oblysy qoıý qyzyl aımaqta ornalasqan. Óńirde kún saıyn aımaqta 900-den astam adam koronavırýs juqtyrady. Oblystyń bas memlekettik dárigeriniń qaýlysymen karantın talaptary kúsheıtildi. Olardyń saqtalýyn baqylaý úshin barlyq qalalar men aýdandarda monıtorıngtik toptardyń jumysy kúsheıtildi», – dedi spıker.

Onyń aıtýynsha, 112 monıtorıngtik toptyń quramyna 600-ge jýyq adam kiredi. Olar: polıtsııa, memlekettik qyzmetshiler, qoǵam qaıratkerleri, eriktiler.

Ortalyq basshysynyń aqparaty boıynsha, 1 qańtardan bastap monıtorıngtik toptar 133 348 nysandy tekserip, 2 130 zańbuzýshylyqty anyqtady. Jalpy quny 103 mln teńgeden astam somaǵa 1 272 aıyppul salyndy. Shilde aıynda 330 zańbuzýshylyq anyqtaldy, olar boıynsha 223 zańdy tulǵaǵa, 107 jeke tulǵaǵa qatysty aktiler jasaldy.

Qaırat Shormanbaev qaraǵandylyqtardy jaǵdaıǵa sanaly túrden qarap, karantın buzý faktileri týraly habarlaýdy surady.

«Turǵyndar óz densaýlyǵy men jaqyndarynyń ómirine nemquraıly qaramaýy kerek. Baqylaý - bul bızneske qarsy kúres emes, qajetti qaýipsizdik sharalary. Eger zań buzý áreketiniń kýási bolsańyz, Senim qyzmetine 109 nómirine qońyraý shalyńyz. Aqparat tekseriledi jáne rastalǵan jaǵdaıda sharalar qabyldaý úshin materıaldardy sanepıdbaqylaý organdaryna jiberedi», – dep atap ótti jedel basqarý ortalyǵynyń basshysy.

Esterińizge sala keteıik, monıtorıngtik toptar zańbuzýshylyqtardy tek bes sanıtarlyq talap boıynsha ǵana tirkeı alady:

- jumys tártibi;

- otbasylyq, eske alý is-sharalaryn (banketter, úılený toılary, mereıtoılar, eske alý) jáne adamdar kóp jınalatyn ózge de sharalardy ótkizýge tyıym salý;

- áleýmettik qashyqtyq;

- maska rejımi;

- kelýshiler sanynyń lımıtinen asýy.

Monıtorıngtik toptardyń kásipkerlerge aıyppul salýǵa quqyǵy joq. Zańbuzýshylyqtar anyqtalǵan jaǵdaıda ákimshilik is qozǵaý úshin materıaldar sanıtarııalyq-epıdemıologııalyq baqylaý qyzmetine jiberiledi.

Buzýshylyqtar úshin aıyppuldar somasy:

- 87 510 tg. – jeke tulǵalar úshin;

- 670 910 tg. – shaǵyn kásipkerlik sýbektileri úshin;

- 904 270 tg. – orta kásipkerlik sýbektileri úshin;

- 4 667 200 tg. – iri kásipkerlik sýbektileri úshin.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT