+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Qaraǵandy oblysynda monıtorıng toptaryna kóshedegi beınebaqylaý kameralary kómektesedi

2021 jylǵy 29 shilde 20:33
Bólisińiz:
Qaraǵandy oblysynda monıtorıng toptaryna kóshedegi beınebaqylaý kameralary kómektesedi

QARAǴANDY. QazAqparat – Qaraǵandy oblysynyń monıtorıng toptaryna endi kóshedegi beınebaqylaý kameralary kómektesedi. Olar dámhana men meıramhana, monsha jáne saýnalardyń jumysyn «qadaǵalaıdy», dep habarlaıdy QazAqparat tilshisi.

Uqsas jańalyqtar
Qaraǵandyda kópbalaly áıelder úshin tegin sheberlik sabaǵy ótti Jeńis Qasymbek Qaraǵandy oblysynyń qoǵamdyq keńesi aldynda esep berdi Qaraǵandy oblysynda aýyldyq joldar jóndelip jatyr

Quqyq buzýshylyqtyń aldyn alý úshin kameralar «Qaýipsiz qala» baǵdarlamasy aıasynda ornatyldy. Olar endi polıtsııaǵa ǵana emes, monıtorıng toptaryna da paıdasyn tıgizýde.

«Biz ótken jyldyń shilde aıynan beri jumys istep kelemiz. Baqylaýdy naqty ýaqyt rejıminde birneshe qalada – Qaraǵandy, Temirtaý, Jezqazǵan, Balqash, Sátbaev qalalarynda jáne Osakarovka kentinde júzege asyramyz. Jappaı is-sharany ótkizý anyqtalǵan jaǵdaıda monıtorıng toptaryna komanda beriledi. 1 shildeden bastap búgingi kúnge deıin 250-den astam shekteý sharalaryn buzýshylyq anyqtaldy. Onyń ishinde 47 buqaralyq is-sharanyń joly kesildi. Adamdar jaýapqa tartyldy», – deıdi Qaraǵandy oblysynyń jedel áreket etý ortalyǵynyń basshysy Qaırat Shormanbaev.

Kameralardaǵy sýretter Biryńǵaı úılestirý ortalyǵyna túsedi. Monıtorıngileýmen ortalyq operatorlary aınalysady.

«Biz kún saıyn monıtorıng júrgizip otyramyz. Taýardyń túsirilýin jáne nysanda jumys jandanǵanyn kórgen boıda, munda kóp uzamaı qandaı da bir mereke ótkizýge bolatynyn túsinemiz. Kelesi kúni biz bul mekemege muqııat nazar aýdaramyz. Mashınalar kóp jınala bastalǵan kezde biz baqylaý tobyna habarlaımyz», – deıdi operator Narıman Tileýqabylov.

Kameralar barlyq jerde bola bermeıdi, sondyqtan bıznes nysandaryn mobıldi toptarmen aınalyp ótý jalǵasýda. 1 shildeden bastap onyń qyzmetkerleri oblys boıynsha 20 myńnan astam mekemeni tekserdi.

Qaraǵandy oblysynda barlyǵy 3 myń beınebaqylaý kamerasy ornatylǵan.




Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT