FÝTBOLDAN ÁLEM ChEMPIONATY-2022

Qaraǵandy oblysynda memlekettik sáýlet-qurylys baqylaý basqarmasyna jańa basshy keldi

2022 jylǵy 26 qyrkúıek, 10:56
Qaraǵandy oblysynda memlekettik sáýlet-qurylys baqylaý basqarmasyna jańa basshy keldi

QARAǴANDY. QazAqparat - Qaraǵandy oblysynda memlekettik sáýlet-qurylys baqylaý basqarmasynyń jańa basshysy taǵaıyndaldy. Bul qyzmetti Buqar jyraý aýdanynyń burynǵy ákimi Serjan Janabekuly Aımaqov atqarady, dep habarlaıdy QazAqparat tilshisi.

Kadrlyq ózgerister týraly oblys ákimdiginen habarlady.

Serjan Aımaqovtyń kandıdatýrasy konkýrstyq komıssııanyń sheshimimen usynyldy.

Memlekettik qyzmette Serjan Aımaqov 30 jyldan astam ýaqyt jumys istep keledi. Túrli laýazymdardy atqardy.

Qarqaraly qalasy ákiminiń orynbasary, Qarqaraly aýdany Salyq komıtetiniń tóraǵasy, Qarqaraly aýdany ákiminiń birinshi orynbasary boldy.

2007 jyldan 2010 jylǵa deıin Qaraǵandy oblysynyń qurylys basqarmasy bastyǵynyń orynbasary bolyp jumys istedi.

Keıin Qarqaraly, Osakarov aýdandarynyń, Shahtınsk qalasynyń ákimi boldy.

2021 jyldyń sáýirinen 2022 jyldyń qyrkúıegine deıin Buqar jyraý aýdanyn basqardy.


Foto : gov.kz



Uqsas jańalyqtar
Seriktester jańalyqtary

Jańalyqtar