+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qaraǵandy oblysynda qaza tapqan polıtsııa qyzmetkerleriniń qurmetine eskertkish ornatyldy

2021 jylǵy 23 maýsym 23:41
Bólisińiz:
Qaraǵandy oblysynda qaza tapqan polıtsııa qyzmetkerleriniń qurmetine eskertkish ornatyldy

QARAǴANDY. QazAqparat – Qaraǵandy oblysy Shet aýdany Aqadyr aýylynda qyzmettik boryshyn óteý kezinde qaza tapqan quqyq qorǵaý organy qyzmetkerleriniń qurmetine turǵyzylǵan obelıskiniń saltanatty ashylýy ótti, dep habarlaıdy QazAqparat tilshisi.

Uqsas jańalyqtar
Qaraǵandylyq kásipkerlerge Ashyq júıesinde tirkelýge kómektesedi Qaraǵandy oblysynda monıtorıng toptaryna kóshedegi beınebaqylaý kameralary kómektesedi Qaraǵandy oblysynda shahterlardyń jartysynan astamy vaktsına aldy

Saltanatty sharaǵa oblystyq polıtsııa departamenti bastyǵynyń orynbasary Qaıyrken Álıev, Shet aýdany ákiminiń orynbasary Azamat Ábildın, batyr-mılıtsıonerlerdiń týystary qatysty.

«Qaza tapqan qyzmetkerler – Otanǵa jáne zańǵa sheksiz berilgendiktiń úlgisi. Qylmyspen kúreste olar ómirin qııa otyryp, qyzmettik boryshyn sońyna deıin oryndady. Olardyń batyrlyǵy Qazaqstan polıtsııasynyń tarıhyna altyn árippen jazylǵan. Ǵabdolla Jumataevtyń, Orazbaı Týǵambaevtyń, Baýyrjan Serikovtyń erligi eshqashan umytylmaıdy. Olar óskeleń urpaq úshin batyldyq pen erjúrektiktiń jarqyn úlgisi bolyp tabylady», - dep atap ótti Qaıyrken Álıev.

«Biz qaza tapqan jerlesterimizdi eske alyp, qurmetteımiz. Otan men zańǵa qyzmet ete otyryp, óz ómirin qurban etken azamattardy eshqashan umytpaımyz. Osy múmkindikti paıdalana otyryp, ardagerler men quqyq qorǵaý organy qyzmetkerlerin kásibı merekemen quttyqtaımyn. Olarǵa densaýlyq, qyzmettik mansabynda tabys tileımiz», - dedi Azamat Ábildın.

Іs-sharada Baýyrjan Serikovtyń anasy Jańylǵan Meshelova sóz sóıledi.

«QR Prezıdenti Qasym-Jomart Toqaevqa, QR ІІM mınıstri Erlan Turǵymbaevqa, oblys PD bastyǵy Erlan Faızýlınge meniń ulymdy eske alǵany úshin shyn júrekten alǵysymdy bildiremin. Baýyrjan men onyń áriptesteriniń erligi umytylmaıtynyna senimdimin. Al ana úshin bul – óte mańyzdy», - dedi marqum polıtseıdiń anasy.

1995 jyly 2 naýryzda Aqadyr aýdandyq ishki ister bóliminiń kezekshi bóliminde bolǵan qyzmetkerler polıtsııa bóliminen qashýǵa tyrysqan qylmyskerdi ustaý úshin baryn saldy. Oqıǵa barysynda qylmyskerler qarýly qarsylyq kórsetti. Oq jaraqatynan mılıtsııa kapıtany Ǵabdýla Jumataev, mılıtsııa serjanttary Orazbaı Týǵambaev, Baýyrjan Serikov qaıtys boldy. 2020 jyldyń 3 jeltoqsanynda QR Prezıdentiniń Jarlyǵymen olar qaıtys bolǵannan keıin «Erligi úshin» medalimen marapattaldy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT