+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qaraǵandy oblysynda bızneske qandaı qoldaý kórsetilip otyr

2021 jylǵy 24 mamyr 07:48
Bólisińiz:
Qaraǵandy oblysynda bızneske qandaı qoldaý kórsetilip otyr

QARAǴANDY. QazAqparat – Qaraǵandy oblysynda qazirgi ýaqytta 90,7 myń shaǵyn jáne orta bıznes sýbektisi tirkelgen. Osy salada jumys isteıtinderdiń qatary artty. Belsendilikke memlekettik qoldaý sharalary yqpal etýde, dep habarlaıdy QazAqparat tilshisi.

Bıznes qandaı kómekti paıdalana alatyndyǵy týraly Kásipkerlik basqarmasynyń basshysy Tatıana Ablaeva Óńirlik kommýnıkatsııalar qyzmeti alańynda ótken brıfıngide aıtyp berdi.

«Bıznestiń jol kartasy – 2025» baǵdarlamasy

Memleket basshysynyń tapsyrmasy boıynsha kásipkerler úshin ShOB-tyń barlyq qoldanystaǵy nesıeleri boıynsha paıyzdyq mólsherlemelerdi sýbsıdııalaý jyldyq 6% júzege asyrylady.

«Bıznestiń jol kartasy – 2025» baǵdarlamasy boıynsha bıyl oblysta 57,7 mlrd teńge ınvestıtsııa somasyna 821 joba maquldandy. Paıyzdyq mólsherlemelerdi sýbsıdııalaý túrinde 380 joba qoldaý aldy. 440 joba boıynsha kepildik berilgen.

Mysaly, memlekettik qoldaýdyń kómegimen «Jezqazǵan-Eır» avıakompanııasy áýejaı úshin tehnıka satyp alady.

Ótken jylmen salystyrǵanda BJK baǵdarlamasyn qarjylandyrý 2,5 esege artty. 2021 jylǵa 7 mlrd teńge qarastyrylǵan.

Esterińizge sala keteıik, ótken jyldan bastap BJK boıynsha salalyq shekteýler alynyp tastaldy. Sýbsıdııalaýǵa jatatyn nesıeler somasy 5 jyl merzimge 7 mlrd teńgege deıin ulǵaıtyldy. Aınalym qarajatyn tolyqtyrý úshin nesıe somasy birinshi baǵyt boıynsha 360 mln teńgege deıin, ekinshi baǵyt boıynsha 500 mln teńgege deıin ulǵaıtyldy. Ekinshi baǵytqa saı saýda salasyndaǵy jobalar boıynsha aınalym qarajatyn tolyqtyrýdy sýbsıdııalaýǵa jatatyn nesıe somasy 100 mln teńgeni quraıdy. Bul rette nesıelerge 85% deıin kepildik beriledi.

Memleket basshysy pandemııa kezinde zardap shekken ekonomıka sektorlary boıynsha nesıelerdi sýbsıdııalaý merzimin uzartýdy tapsyrdy. Osy jumys aıasynda ekonomıkalyq qyzmet túrleriniń 93 jalpy jikteýishi anyqtaldy. Sýbsıdııalaý merzimi 2021 jyldyń 1 sáýirinen 1 shildesine deıin úsh aıdy quraıdy.

«Eńbek» jáne «Jumyspen qamtý jol kartasy»

«Eńbek» jappaı kásipkerlik baǵdarlamasy boıynsha 6% shaǵyn nesıe berý endi ǵana bastaldy.

«Jumyspen qamtýdyń jol kartasy» baǵdarlamasy boıynsha shaǵyn nesıeler «Atameken Qaraǵandy» mıkroqarjy uıymy arqyly «Bastaý Bıznes» jobasynyń túlekterine beriletin bolady. Bıyl jalpy somasy 3,8 mlrd teńgege myńǵa jýyq shaǵyn nesıe berý josparlanyp otyr.

«Bastaý Bıznes» jobasy boıynsha birinshi lek oqýdan ótýde. Bıyl oblystyń 1 250 turǵyny tegin kásipkerlik kýrstarynan óte alady dep josparlanýda.

«Qarapaıym zattar ekonomıkasy»

Jergilikti óndiristi damytýǵa baǵyttalǵan «Qarapaıym zattar ekonomıkasy» baǵdarlamasy Qazaqstanda 2019 jyldan bastap jumys isteıdi.

Qaraǵandy oblysy boıynsha 232 áleýetti qatysýshy anyqtaldy. Qazirgi ýaqytta 25 mlrd teńge ınvestıtsııa somasyna 173 joba maquldandy. Bıyl jeti joba qoldaýǵa ıe boldy.

Mysaly, baǵdarlama boıynsha «Evrazıan Fýds» AQ – margarın óndirý jelisin keńeıtýge; «Alfarýh» JShS – kóterme-taratý ortalyǵynyń qurylysyna; «Jáke» ShQ – iri qara malǵa arnalǵan aýqymdy bordaqylaý alańyn qurýǵa qoldaý kórsetildi.

Granttyq qarjylandyrý

Jas jáne isin jańa bastaǵan kásipkerler óz isin qurýǵa jáne damytýǵa granttar ala alady.

«Bıznestiń jol kartasy – 2025» boıynsha bıyl granttyq qarjylandyrýǵa 56,4 mln teńge qarastyrylǵan. Ótken jyldyń tájirıbesi boıynsha granttyń ortasha chegi 4 mln teńgeni quraıdy.

«Eńbek» baǵdarlamasy boıynsha 448 mln teńge somasyna 768 grant berý josparlanǵan. Jyl basynan beri 159-y berildi.

Jastar kásipkerligin damytýǵa granttyq qarjylandyrý qarastyrylǵan. Oblys ákiminiń 100 grantyn jáne qalalar men aýdandar ákimderiniń 150 grantyn berý josparlanýda.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT