Qaraǵandy oblysynda bir táýlikte tórt kólik órtenip ketti

2022 jylǵy 28 qarasha, 11:57
Qaraǵandy oblysynda bir táýlikte tórt kólik órtenip ketti

QARAǴANDY. QazAqparat - Qaraǵandy oblysynda 27 qarashada 4 avtokóliktiń órtený deregi tirkeldi. Tótenshe jaǵdaılar Temirtaý, Saran, Shahtınsk qalalarynda bolǵan. Órttiń sebepteri – elektr symdarynyń qysqa tuıyqtalýy, dep habarlaıdy QazAqparat tilshisi.

Aǵymdaǵy jyldyń basynan beri oblysta barlyǵy 141 avtokólik órtenýi tirkelgen, onda 2 adam qaza taýyp, 1 adam jaraqat aldy.

«Avtokóliktegi órttiń negizgi sebepteri otyn nemese elektr júıesiniń durys jumys istemeýi bolyp tabylady. Qys mezgilinde órt ashyq otty qoldana otyryp, muzdap qalǵan kólikterdi jylytý kezinde de bolady. Avtokóliktiń dızaınynda janǵysh materıaldardyń kóp mólsheri qoldanylady. Sondyqtan kez kelgen avtokólikte órt qaýipsizdigi sharalaryn qatań saqtaý qajet», - dep eskertedi Qaraǵandy oblysy TJ departamentinen.

Qutqarýshylar sondaı-aq avtokólik ıelerine kelesi erejelerdi ustanýdy suraıdy:

- avtokólikti ýaqtyly tehnıkalyq qyzmet kórsetýden ótkizý;

- onyń jaramdy kúıin únemi qadaǵalap otyrý, ásirese elektr symdaryna nazar aýdarý;

- árqashan kóligińizde órt sóndirgish bolýy kerek, ony ózińizge ońaı qol jetimdi jerde saqtańyz;

- qysta muzdatylǵan bólshekterdi jylytý úshin ashyq otty paıdalanbańyz.


Uqsas jańalyqtar
Tegı:
Seriktester jańalyqtary

Jańalyqtar