+7 (701) 759 90 19
USD 421.98 EUR 511.61
RUB 5.61 CNY 65.27
Jańalyqtar

Qaraǵandy oblysynda bir mezgilde 10 000 lıtr qymyz pisilip, rekord ornatyldy

2019 jylǵy 15 qyrkúıek 00:32
Bólisińiz:
Qaraǵandy oblysynda bir mezgilde 10 000 lıtr qymyz pisilip, rekord ornatyldy

JAŃAARQA. QazAqparat - Qaraǵandy oblysynyń Jańaarqa aýdanynda rekord ornatyldy. Bir mezgilde turǵyndar 10 000 lıtr qymyz pisti. Bul jetistikti resmı túrde halyqaralyq sarapshylar tirkedi, dep habarlaıdy «QazAqparat» tilshisi.


Qaraǵandy oblysy Jańaarqa aýdanynyń 90 jyldyq mereıtoıy jáne Sáken Seıfýllınniń 125 jyldyǵy erekshe aýqymda atalyp ótti. Bul kún tarıhymyzda qalý úshin aýdan turǵyndary qymyz pisý boıynsha álemdik rekord ornatty. Bir ýaqytta 1000 kúbige quıylǵan 10 000 lıtr bıe sútin ulttyq kıim kıgen qyz-kelinshekter pisip shyqty.

«Búgin Jańaarqa aýdanynyń 90 jyldyǵy men Sáken Seıfýllınniń týǵanyna 125 jyl tolýyna oraı úlken shara ótýde. Osyǵan baılanysty munda rekord ornatyldy. Qazaqstanda mundaı rekord alǵash ret tirkelip otyr. Bul óte qıyn. Sebebi qazirgi zamanda kúbi tabý ońaı emes. Al munda myń kúbi boldy. Bul rekordty bolashaqta jańartý qıyn bolady dep oılaımyn», - dedi Gınnestiń rekordtar kitabynyń Qazaqstandaǵy resmı ókili Baqytjan Tastúlekov.

Kitaptyń redaktsııalyq alqasy bar. Olarǵa beıne jáne foto materıaldar, esepteý nátıjeleri jiberiledi. Alqa osy rekordty qarastyryp bolǵan soń ol kitapqa engiziledi. Gınnestiń rekordtar kitaby eki jylda bir ret shyǵarylady. Bıyl ol óziniń 20 jyldyq mereıtoıyn atap ótýde. Osyǵan oraı qarasha aıynda kezekten tys nómir shyǵady. Sol kezde Jańaarqa aýdany turǵyndarynyń ul jetistigin oqýǵa bolady.

Qaraǵandy oblysyna rekordty belgileý úshin Gınnestiń rekordtar kitabynyń resmı halyqaralyq ókilderi keldi. Sheteldik qonaqtar atap ótkendeı, álemde mundaı rekord alǵash ret ornatylýda.

«Rekord osy is-sharalarǵa qatysatyn adamdardyń eń kóp sany boıynsha, qymyz jáne kúbi sany boıynsha esepteledi. Nátıjeler búgin daıyn bolady. Bul rekord alǵash ret ornatylýda. Ár túrli sektsııalar óte kóp. Biraq osy iske qatysýshy adamdardyń eń kóp sany boıynsha jáne qymyz kólemi men kúbi sany boıynsha osy rekord eń alǵashqysy», - dep habarlady Gınnestiń rekordtar kitabynyń ókili ıÝdelkıs Dıas (Kýba).

Sharaǵa qatysý úshin Jańaarqa aýdanynyń 12 aýyldyq okrýgi jáne 2 kentinen turǵyndar jınalǵan. Bir aıdan keıin bul shara týraly resmı saıttan oqýǵa bolady. Al búgin seans aıaqtalǵannan keıin uıymdastyrýshylarǵa rekord ornatylǵanyn kýálandyratyn sertıfıkat berildi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT