Qaraǵandy oblysynda bas sanıtarlyq dárigerdiń jańa qaýlysy shyqty
2022 jylǵy 21 qańtar 23:40

Qaraǵandy oblysynda bas sanıtarlyq dárigerdiń jańa qaýlysy shyqty

QARAǴANDY. QazAqparat - Infektsııa juqtyrǵan adamdarda «qyzyl» jáne «jasyl» mártebeler qansha ýaqyt jáne qandaı jaǵdaılarda saqtalady? Qaraǵandy oblysynyń mektepteri, kolledjderi, ýnıversıtetteri men mektepke deıingi mekemeleri qalaı jumys isteıdi?

Qaraǵandy óńirinde oblystyń bas memlekettik sanıtarlyq dárigeriniń jańa Qaýlysy shyqty. Oǵan sáıkes, oqytýdyń kelesi formattary anyqtaldy:

- ata-analardyń ótinishteri boıynsha mektepke deıingi bilim berý uıymdarynda shtattyq formatta tárbıeleý jáne oqytý;

- jalpy bilim beretin mektepterde shtattyq formatta oqytý:

- bastaýysh 1-4 synyptar (halyqaralyq mektepterdegi 1-6 synyptar);

- 600 oqýshyǵa deıin qosa alǵanda;

- mektepterdiń jobalyq qýatynyń 50%-nan aspaıtyn júktemesi bar 600-den astam oqýshy;

– JOO men kolledjderde aralas formatta oqytý - praktıkalyq, zerthanalyq, semınarlyq sabaqtar, ıkemdi keste boıynsha shtattyq rejımdegi óndiristik praktıka, dárister onlaın;

- mektepten tys uıymdarda shtattyq formatta oqytý;

-«Ashyq» jobasyna qatyspaıtyn balalar túzetý kabınetteri, balalar jáne eresekterge arnalǵan bilim berý ortalyqtary aldyn ala jazylý boıynsha 15 adamnan aspaıtyn topty toltyrǵan kezde jumys isteıdi.

Sondaı-aq, «Ashyq» jobasyna qatyspaı, saýda alańy 6000 sharshy metrge deıingi saýda jelileriniń (azyq-túlik) qyzmetine ruqsat etiledi.

Bul rette, COVID-19-ǵa PTR-testileýdiń oń nátıjesi bar bazada tirkelgen adamdarda, «juqtyrylǵan» - «qyzyl» mártebesi bar patsıentterde COVID-19-ǵa PTR-testileýdiń oń nátıjesi alynǵan sátten bastap 10 kún ótkenge deıin saqtalatynyn habarlaımyz. 10 kún ótkennen keıin bul adamdar osy ýaqyt kezeńinde COVID-19-ǵa PTR-testileýdiń oń nátıjesin alýǵa qaramastan, 3 aı boıy saqtalatyn «jasyl» mártebege aýystyrylady;

- COVID-19-ǵa teris PTR-testileý nátıjeleri bar (COVID-19-ǵa PTR-testileýdiń oń nátıjesin alǵan sátten bastap 7 kúnnen erte emes ótkizilgen) vırýs juqtyrǵan adamdarda «qyzyl» mártebe oń nátıje alǵan sátten bastap 7 kún ótkenge deıin saqtalady;

- «sary» mártebesi bar adamdar (nemese jaqyn baılanysta bolǵan adamdar) COVID-19-ǵa oń nátıjesi bar adammen baılanysta bolǵan kúnnen bastap kúntizbelik 10 kún ótken soń «kókke» aýystyrylady;

- COVID-19-ǵa teris PTR-testileý nátıjeleri bar (baılanys kúninen bastap 7 kúnnen erte emes ótkizilgen) naýqaspen baılanysta bolǵan adamdarda «sary» mártebesi COVID-19-ǵa oń nátıjesi bar adammen baılanysta bolǵan kúnnen bastap 7 kún ótkenge deıin saqtalady;

- baılanysta bolǵan adamdarda COVID-19 belgileri bolmaǵan kezde jáne revaktsınatsııa nemese COVID-19-ǵa qarsy vaktsınatsııanyń tolyq kýrsyn alǵany týraly qujattyq rastaý bolǵan kezde, sondaı-aq sońǵy 3 aı ishinde COVID-19 aýyryp jazylǵan adamdarda «jasyl» mártebe saqtalady.

Alǵashqy oń testileýdi alǵan sátten bastap 10 kún ótkenge deıin COVID-19-ǵa PTR-testileýdiń oń nátıjesin alǵan jaǵdaıda, «qyzyl» mártebe COVID-19-ǵa PTR-testileýdiń alǵashqy oń nátıjesin alǵan kúnnen bastap 10 kún ishinde saqtalady.

Bıznes obektileri qyzmetiniń algorıtmderine ózgerister engizilgenin habarlaımyz, osyǵan baılanysty múddeli tulǵalardan qaýlynyń tolyq mátinimen Qaraǵandy oblysynyń sanıtarııalyq-epıdemıologııalyq baqylaý departamentiniń saıtynda, sondaı-aq COVID-19 taratpaý jónindegi VAK telegramm-arnasynda tanysýdy suraımyz.

Saıt siltemesi:

https://beta.egov.kz/memleket/entities/departament-kkbtu-karaganda?lang=kk

VAK telegram-arnasynyń siltemesi:

https://t.me/MVK_kz_Covid19.

Qaýly qol qoıylǵan kezinen bastap kúshine enedi.


Jańalyqtar

MURAǴAT