+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Qaraǵandy oblysynda barlyq baǵyttaǵy joldar búgin ashylýy tıis

2020 jylǵy 29 qańtar 15:58
Bólisińiz:
Qaraǵandy oblysynda barlyq baǵyttaǵy joldar búgin ashylýy tıis

QARAǴANDY. QazAqparat - Sońǵy kúnderde jaýǵa qalyń qar Qaraǵandy oblysynda joldardyń jabylýyna sebepshi boldy. Mamandardyń aıtýynsha, óńirde sońǵy 15 jylda mundaı boran bolmaǵan. Aýa raıynyń qolaısyzdyǵyna týyndaǵan máseleler oblystyq tótenshe jaǵdaılar jónindegi komıssııanyń kezekti otyrysynda talqylandy, dep habarlaıdy QazAqparat tilshisi.

TJD aqparaty boıynsha, 17-29 qańtar aralyǵynda oblys boıynsha jaýyn-shashyn normadan eki esege artyq jaýǵan. Kún saıyn daýyldy eskertý jarııalandy. Boran kezinde kórinýdiń nashar bolýyna baılanysty barlyq baǵyttar boıynsha qozǵalys jabyldy.

«Aýa raıynyń nasharlaýy Balqash, Prıozersk qalalary men Shet, Aqtoǵaı jáne Jańaarqa aýdandarynyń ońtústik shekaralarynan basqa oblystyń barlyq aýmaǵynda oryn aldy. 105 qutqarý operatsııasy júrgizildi. 954 adam qutqaryldy, 229 tehnıka jumyldyryldy. Adamdar jylytý beketterine ornalastyrylyp, tamaqtandyryldy. Qar basqan eldi mekenderden emdeý mekemelerine 21 adam jetkizildi, onyń ishinde altaýy júkti áıel», - dep habarlady oblystyq TJD bastyǵy Ibragım Kúlshimbaev.

Keńeste aıtylǵandaı, respýblıkalyq joldarda 820 mashına: 188 jeńil, 601 júk kóligi jáne 31 avtobýs qar qursaýynda qalǵan. Júrgizýshiler men jolaýshylarǵa aýa raıynyń jaqsarýyn qaýipsiz jerlerde kútý usynyldy.

29 qańtarda tańerteń aýa raıy jaqsaryp, joldar ashyldy. Oblys joldarynda Osakarovka jáne Ulytaý aýdandarynda 4 ýchaske jabyq. Respýblıkalyq joldarda 5 ýchaskede, sonyń ishinde Nur-Sultan baǵytynda kólikterdiń júrýine tyıym salyndy.

Temirjol vokzaly men áýejaı shtattyq rejimde jumys isteıdi.

Barlyq oblys joldary boıynsha jolaqtarda tolyq qozǵalysty qamtamasyz etý kúnniń ortasyna deıin mindettelse, respýblıkalyq joldarda keshke deıin qalpyna keltirilý kerektigi aıtyldy.

Oblys ákimi Jeńis Qasymbek respýblıkalyq joldardaǵy jaǵdaıǵa baılanysty «Qazaqavtojol» mekemesiniń atyna syn aıtty.

«Men merdigerdiń álsiz jumysyn atap ótýge májbúr boldym. Qysqy ýaqytta joldardy qadaǵalaýǵa daıyndyq tómen deńgeıde boldy», - dedi aımaq basshysy.

Oblys ákimi avtomobıl joldaryn qardan tolyq tazalaýdy talap etti.

«Qar tazalaý jumystary erekshe baqylaýda. Barlyq joldar ashyq bolýy kerek. Qalalar men aýdandarda jaqyn kúnderi barlyq qoǵamdyq oryndarda, mektepter, aýrýhanalar, balabaqshalar mańaıynan qar tazalap, tasyp shyǵaryńyzdar. Jınaý úshin qaýipsiz oryndardy anyqtaý kerek. Ákimder, qar tazalaý jaǵdaıy boıynsha ár eldi mekende jeke jaýap beretin bolady», - dedi Jeńis Qasymbek.

Jetekshileriniń esepteri boıynsha, qolaısyz aýa raıy jylýmen qamtamasyz etý júıesine áser etpegen. Oblysta barlyq 8 stansa shtattyq rejimde jumys isteıdi. Sonymen qatar, aýa raıynyń qolaısyzdyǵyna baılanysty 13 eldi meken elektr qýatynsyz qaldy. Olardyń keıbirinde elektr qýaty qalpyna keltirildi. Jeńis Qasymbek búgin keshke deıin deıin barlyq qalǵan apattardy joıýdy tapsyrdy.

Qaraǵandy oblysynda avtomobıl joldarynyń jelisi 12 441 shaqyrymdy quraıdy, onyń ishinde: Respýblıkalyq mańyzy bar - 2 785 shaqyrym (10 avtojol); oblystyq mańyzy bar - 3 462 shaqyrym (44 avtojol); aýdandyq mańyzy bar, kentishilik avtojoldar jáne eldi mekenderdiń kósheleri - 6 194 shaqyrym. Jalpy oblys boıynsha uzyndyǵy 705 shaqyrym bolatyn 590 qar jınalyp qalatyn ýchaske anyqtalǵan.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT