+7 (701) 759 90 19
USD 414.94 EUR 504.03
RUB 5.59 CNY 64.22
Jańalyqtar

Qaraǵandy oblysynda aldaǵy eki jylda dárigerlerge 300 páter bólinedi

2021 jylǵy 25 qańtar 02:31
Bólisińiz:
Qaraǵandy oblysynda aldaǵy eki jylda dárigerlerge 300 páter bólinedi

QARAǴANDY. QazAqparat – Aldaǵy úsh jylda Qaraǵandy oblysynda jeti densaýlyq saqtaý nysany salynady. Densaýlyq saqtaý basqarmasynyń basshysy Erjan Nurlybaev atalmysh salanyń ótken jylǵy qorytyndysy men 2021 jylǵa arnalǵan josparlary jaıly málimdedi. Oblys ákimdiginde onlaın rejımde ótken keńeske óńirdiń memlekettik jáne jeke medıtsınalyq uıymdarynyń basshylary qatysty, dep habarlaıdy QazAqparat tilshisi.

Uqsas jańalyqtar
Jańa qaýly: 27-shi aqpannan bastap Aqmola oblysynda qandaı shekteýler alynady Koronavırýspen kúres: Vaktsınanyń ekinshi partııasyn jetkizý bastaldy BQO-da jol apatynan tiri qalǵan naýqasqa 10 saǵat ota jasaldy

Qazirgi tańda koronavırýstyq ınfektsııamen kúres birinshi orynda tur. Sonymen qatar ana men bala ólimin, týberkýlezben syrqattanýdy jáne ólimdi azaıtý, ómir súrý uzaqtyǵyn arttyrý sııaqty negizgi mindetter belgilendi. Osyǵan oraı densaýlyq saqtaý júıesiniń ınfraqurylymyn jańǵyrtý jáne kadrlarmen qamtamasyz etý qajettiligi talqylandy.

Qaraǵandy oblysynda úsh jyl ishinde jeti densaýlyq saqtaý nysany salynbaq. Olardyń ishinde bıyl Qaraǵandydaǵy oblystyq kópbeıindi balalar aýrýhanasynyń, Maıqudyq jáne Suryptaý shaǵyn aýdandarynda jedel medıtsınalyq járdem stantsııasynyń qurylysyn aıaqtaý kózdelgen.

Jumyspen qamtýdyń jol kartasy aıasynda eki jyl ishinde Qaraǵandy qalasynyń №1 JB janynan onkologııalyq dıspanserdiń operatsııalyq-reanımatsııalyq blogy men dıagnostıkalyq bólimshe salynady.

Aýyldarda feldsherlik-akýsherlik pýnktterge degen joǵary qajettilik qalyp otyr. Eki jyl ishinde FAP-pen 31 eldi mekendi qamtý josparda bar. Bıyl «Aýyl - El besigi» baǵdarlamasy boıynsha Nura aýdanynyń Kertindi aýylynda feldsherlik-akýsherlik pýnkt salynady.

Nura kentindegi ortalyq aýdandyq aýrýhananyń jóndeý jumystary aıaqtalady.

«Osy jyldyń qorytyndysy boıynsha Qaraǵandy oblysynyń barlyq ortalyq aýdandyq aýrýhanalary jóndeletin bolady. Qazir Aǵadyrdaǵy aýyldyq aýrýhanany jóndeý boıynsha jobalyq-smetalyq qujattama ázirlenýde», - dep habarlady Erjan Nurlybaev.

H.J. Maqajanov atyndaǵy aýrýhananyń jańa korpýsynyń jáne Ulytaý aýylynyń ortalyq aýdandyq aýrýhanasynyń qurylysy áli de ózekti bolyp qalyp otyr. Jazda Qaraǵandyda 330 oryndyq jańa Oblystyq klınıkalyq aýrýhana salynady.

Oblys medıtsınalyq kadrlarmen qamtamasyz etýdiń joǵary paıyzyn kórsetip otyr. Bıyl medıtsınalyq oqý oryndarynyń 357 túlegi óńirde qaldy.

Dárigerlerdi turǵyn úımen qamtamasyz etý baǵdarlamasy jalǵasady. Aldaǵy eki jylda 300-ge jýyq páter bólinedi.

«Men barlyq dárigerlerge alǵysymdy bildirgim keledi. Muǵalimmen qatar, bul álemdegi eń asyl mamandyqtardyń biri. SES dárigerlerine úlken rahmet aıtamyz. Ótken jyly olardyń ıyǵyna aýyr júk tústi. Olar bıylǵy jyly da laıyqty jumysyn jalǵastyrýda. Alda da kúrdeli jyl kútip tur. Koronavırýstyq ınfektsııa eshqaıda ketpedi, biraq biz onymen kúresýdi úırendik, osy jaǵdaıda jumys isteýdi úırendik. Bizdiń otandastarymyzdyń densaýlyǵynan artyq eshteńe bolýy múmkin emes!» - dep oblys ákimi Jeńis Qasymbek dárigerlermen kezdesýdi qorytyndylady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT